Հուզական ինտելեկտի կենտրոնները գտնվում են ուղեղում
Ամերիկացի գիտնականները հայտնաբերել են գլխուղեղի կեղևի այնպիսի հատվածներ, որոնք պատասխանատու են հուզական ինտելեկտի ձևավորման համար: Հուզական ինտելեկտն իրենից ներկայացնում է կարողությունների մի խումբ, որը պատասխանատու է սեփական, ինչպես նաև շրջապատող մարդկանց հույզերի գիտակցման համար:
Հետազոտությունն անց են կացրել Մերիլենդ նահանգում տեղակայված նյարդային խանգարումների և կաթվածների Ազգային ինստիտուտի մասնագետները`Ջորդան Գրաֆմանի ղեկավարությամբ:
Գիտնականները հետազոտել են Վիետնամի պատերազմի 38 վետերանների, ովքեր ուղեղի տարատեսակ վնասվածքներ էին ստացել: Վետերաններին առաջարկվել էր հուզական ինտելեկտը որոշելու համար որոշակի թեսթեր հանձնել, որոնց արդյունքները գիտնականները համեմատել էին այդ նույն թեսթը հանձնաձ 29 առողջ մարդկանց արդյունքների հետ:
Կամավորների հուզական ինտելեկտը գիտնականները գնահատում էին երկու չափորոշիչների օգնությամբ` ռազմավարական և էմպիրիկ: Առաջին դեպքում չափվում էր շրջապատողների հուզական վիճակը գնահատելու կարողությունը, և այն թե ինչ համապատասխան ռեակցիա էին նրանք դրսևորում տվյալ իրավիճակներում: Իսկ երկրորդ դեպքում գնահատվում էր հուզական տեղեկատվությունը ընկալելու և հետագայում դրանք օգտագործելու կարողությունը:
Հետազոտության արդյունքում պարզ դարձավ, որ վետերանների մի մասը ավելի լավ արդյունքի էր հասնում առաջին դեպքում, իսկ մյուս մասը հաջողության էր հասնում երկրորդ դեպքում` նայած թե ուղեղի որ հատվածներն էին վնասվել:
Ստացված տվյալների հիման վրա գիտնականները եզրակացրեցին, որ գլխուղեղի կեղևի մի մասը պատասխանատու է շրջապատողների հուզական վիճակը գնահատելու կարողության և համապատասխան ռեակցիա դրսևորելու համար, իսկ մյուս մասը`հուզական տեղեկատվությունը ընկալելու և հետագայում դրանք օգտագործելու կարողության համար:
Բացի դրանից գիտնականները պարզեցին նաև որ ուղեղի վերոնշյալ հատվածների վնասումը բացասաբար չի անդրադառնում աշխարհընկալման վրա:
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Պարզեցվել է անհատական բնակելի տների կառուցման գործընթացը
Գյումրու գլխավոր ճարտարապետը մեղադրյալի աթոռին է՝ կաշառք ստանալու, պաշտոնեական կեղծիքի համար
Իրանի հարստացված ուրանի պաշարները միջուկային օբյեկտների փլատակներում են
Հայաստանում 2025 թվականի ընթացքում արտադրված էլեկտրաէներգիայի 14%-ը բաժին է հասնում արևային կայաններ...
Նեթանյահուն վստահ չէ, որ Իսրայելի և ԱՄՆ-ի գործողություններից հետո իրանցիներն իշխանափոխություն կանեն