Ի՞նչ է ուզում Ադրբեջանը, իսկ ինչ ենք ուզում մենք
Մենք մեզ չխաբենք, մեզ անիմաստ երեւակայությունների դաշտը չգցենք: Ադրբեջանը ուզում է եւ ամեն ինչ անում է, որ Արցախում որեւէ հայ չմնա: Այլ կերպ ասած Ադրբեջանն իրականացնում է ցեղասպան քաղաքականություն, փորձելով արցախցիներին տեղահանել, տնազուրկ դարձնել, կտրել իր բազմահազարամյա հայրենիքից:
Եւ սա իրականացվում է Ռուսաստանի, ԱՄՆ-ի, Ֆրանսիայի աչքի առաջ: Մենք դեռ զարմանո՞ւմ ենք: Մենք իրո՞ք այս աստիճան միամիտ ենք: Մի՞թե հենց այս երկրների աչքի առաջ 1915-1922 թվականներին Արեւմտյան Հայաստանը չդատարկվեց հայերից:
Ադրբեջանի եւ Արեւմուտքի հարցում ամեն ինչ պարզ է: Ադրբեջանը ծրագրում է ցեղասպանություն իրականացնել եւ արդեն իսկ սկսել է, իսկ Արեւմուտքն ու Ռուսաստանը պատճառաբանելով, թե խառն են, աչք են փակում եւ չտեսնելու տալիս: Եւ այստեղ մեր պահվածքը ծիծաղելի է ու ամոթալի: Փախանակ աշխարհով մեկ աղաղակենք, ցույց տանք, թե ինչ է կատարվում, ասում ենք, բա որ Ռուսաստանը նեղանա, բա որ Ամերիկան ու Ֆրանսիան նեղանան, բա որ Կարմիր խաչը նեղանա, որի ակտիվ մասնակցությամբ Արցախում ադրբեջանցիները մարդաորսությամբ են զբաղվում:
Աշխարհի մեկ այլ անկյունում Կարմիր խաչի միջոցով մարդ առեւանգվեր հիմա այդ երկրի բոլոր միջազգային կառույցների, այդ թվում Կարմիր խաչի գրասենյակները ջարդ ու փշուր արված կլինեին:
Լավ, իսկ մենք ի՞նչ ենք ուզում: Եւ հենց այս հարցին է որին հնարավոր չէ պատասխանել, քանի որ անկախության երեսունից ավելի տարիներին այդ մենքը չձեւավորվեց, ազգային ու պետական շահը չձեւավորվեց: Մեր տարբեր խմբեր շարունակում են սպասարկել այս ու այն երկրի, խմբի շահը, իսկ ո՞վ եւ երբ է սպասարկելու մեր երկրի շահը: Նույնիսկ Արցախի հարցում մենք չունենք ազգային ու պետական ձեւակերպված տեսակետ, ծրագիր:
Մեկն ասում է միայն անկախ Արցախ, մյուսը՝ միայն միավորում Հայաստանի հետ, մյուսը, թե ճիշտը Ռուսաստանի հետ միավորվելն է, իսկ այն մյուսն էլ ասում է եկեք Արցախը հրենք գցենք Ադրբեջան ու ասենք՝ գնա, քո գլխի ճարը տես: Այս վերջինը նույնն է, որ մարդուն գցես բորենիների վանդակը ու ասես՝ քո հարցերը դու լուծիր:
Արցախի հարցում միջազգային հանրության պահվածքի հիմնական պատճառներից մեկը մեր պահվածքն է, մեր անհասկանալի եւ անմիտ պահվածքը: Այստեղ գրեթե բոլորը Նիկոլից ոչնչով չեն տարբերվում, քանի որ առաջնորդվում են հանկարծ ինձ դավաճան չասեն սկզբունքով: Ոչինչ, որ այս անմիտ պահվածքից մի ամբողջ Արցախ աշխարհ ենք կորցնում: Կարեւորը մեզ հայրենասեր ասեն, կարեւորը մենք հայրենասեր երեւանք:
Սա ենք մենք, դրանից բխող բոլոր հետեւանքներով: Ի դեպ, եթե կարծում եք, թե Ռուսաստանը չի թողնի, որ արցախցիները հեռանան հայրենիքից, ապա սխալվում եք եւ դուք, եւ Մոսկվան, մարդկանց բռնությամբ չի կարելի պահել ու ասել՝ ստորացեք, անդադար ստորացեք:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո