Չինաստանի հարավ-արեւմուտքում ջրհեղեղի գոտիներից ավելի քան 40 հազար մարդ է տարհանվել

Չինաստանի հարավ-արեւմուտքում գտնվող Սիչուան նահանգում ջրհեղեղի գոտիներից ավելի քան 40 հազար մարդ է տարհանվել, հայտնել է Չինաստանի կենտրոնական հեռուստատեսությունը:

Հեռուստաալիքը՝ վկայակոչելով Սիչուան նահանգի բնական պաշարների դեպարտամենտը, հայտնել է, որ հորդառատ անձրեւների պատճառով վտանգավոր շրջաններից ընդհանուր առմամբ տարհանվել է 40 596 մարդ։

Հուլիսին տեղատարափ անձրեւները հաճախ հեղեղումների են հանգեցնում Սիչուան նահանգում։ 2021 թվականին ջրհեղեղների պատճառով նահանգում ավելի քան 720 հազար մարդ հայտնվել է աղետի գոտում։ Անցած տարի հորդառատ անձրեւների հետեւանքով ջրհեղեղները առնվազն վեց մարդու կյանք են խլել։