Թրամփը հայտարարել է, որ կոկաինը Սպիտակ տանը կարող էր լինել Բայդենի կամ նրա որդու՝ Հանթերի համար
Սպիտակ տանը հայտնաբերված կոկաինը կարող էր պատկանել միայն ԱՄՆ նախագահ Ջո Բայդենին կամ նրա որդուն՝ Հանթերին։ Իր սոցիալական ցանցում այսպիսի ենթադրություն է արել ԱՄՆ նախկին նախագահ Դոնալդ Թրամփը։
«Մի՞թե որեւէ մեկը իրոք հավատում է, որ Սպիտակ տան արեւմտյան թեւում, որը շատ մոտ է Օվալաձեւ աշխատասենյակին, հայտնաբերված կոկաինը նախատեսված էր ոչ թե Հանթերի կամ Ջո Բայդենի, այլ մեկ ուրիշի համար»,- ասված է հաղորդման մեջ։
Նախկին նախագահի կարծիքով՝ ամերիկյան ԶԼՄ-ները, որոնց նա անվանել է «ֆեյքերի մեդիա», շուտով կգրեն, որ այդ փոշին բնավ էլ թմրանյութ չէր, այլ ասպիրին, իսկ ամբողջ պատմությունը շուտով «կզրոյացվի»։
Հուլիսի 4-ին տեղեկացվել էր, որ Սպիտակ տանը կասկածելի նյութ է հայտնաբերվել։ Նախնական վերլուծությունը ցույց է տվել, որ փոշին կարող է կոկաին լինել, ներկայում լրացուցիչ քննություն է կատարվում։
Ավելի ուշ CBS News հեռուստաալիքը, հղում կատարելով անանուն աղբյուրին իրավապահ մարմիններում, հայտարարել էր, որ փորձաքննությունը կոկաին է հայտնաբերել փոշու մեջ, որը մինչ այդ գտել էին ԱՄՆ նախագահի նստավայրում։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Պատրաստվելով Օմանում մեր դեսպանության բացմանը. Կադրից դուրս
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Ամբերդ ամրոց և Քարի լիճ տանող ավտոճանապարհները փակ են