Անգլիայում սագի պատճառով առանց լույսի է մնացել 2 000 տուն

Անգլիայում սագի պատճառով առանց լույսի է մնացել 2 000 տուն, գրել է Daily Mail-ը։

Ինչպես գրել են տեղի ԶԼՄ-ները, սագը փորձել է թռչել էլեկտրալարի վրայով, բայց խճճվել է լարերի մեջ եւ կտրել կոնտակտային ցանցը։ Միջադեպի հետեւանքով ավելի քան 2 000 տուն եւ օբյեկտ մնացել է առանց լույսի։ Էներգետիկների խոսքով՝ տուժածների մոտ 95 տոկոսը էլեկտրաէներգիա ստացել է 45 րոպեի ընթացքում։

Բացի այդ, գետնին ընկած մալուխը դաշտում հրդեհ է առաջացրել։ Ոչ ոք չի տուժել։ Թե ինչ է եղել սագին՝ չի տեղեկացվում։ Տեղի իշխանություններն ավելացրել են, որ քայլեր կձեռնարկեն, որպեսզի ապագայում նման բան չկրկնվի։