Սոբչակը խոսում է Ռուսաստանում քաղբանտարկյալների առկայության, Ղրիմի բռնակցման մասին
Ռուսաստանցի հեռուստաաստղ Քսենիա Սոբչակը 2018 թվականի նախագահական ընտրություններին առաջադրվելու մտադրության մասին հայտարարելուց հետո առաջին պաշտոնական մամուլի ասուլիսը սկսել է քաղբանտարկյաներին՝ այդ թվում ռուսական բանտերում պահվող ուկրաինացի քաղբանտարկյալներին ազատ արձակելու իշխանություններին ուղղված պահանջով:
Անդրադառնալով Ղրիմի խնդրահարույց թեմային, Սոբչակը հայտարարել է, որ Ղրիմը միջազգային օրենքի համաձայն հանդիսանում է Ուկրաինայի տարածք: Նա նշել է նաև, որ 2014 թվականին բռնակցելով թերակղզին՝ Ռուսաստանը խախտել է Բուդապեշտյան հուշագիրը:
Ներկայացնելով իր թիմը՝ Սանկտ Պետերբուրգի նախկին քաղաքապետ Անատոլի Սոբչակի դուստրը հայտարարել է, որ իր նախընտրական շտաբը գլխավորելու է НТВ հեռուստաընկերության հիմնադիրներից Իգոր Մալաշենկոն, ով 1996 թվականին գլխավորել է Ռուսաստանի առաջին նախագահ Բորիս Ելցինի ընտրարշավը:
Հոկտեմբերի 18-ին Քսենիա Սոբչակը հայտարարել է Ռուսաստանի նախագահի՝ առաջիկա մարտին անցկացվելիք ընտրություններին մասնակցելու մտադրության մասին, հանդես գալով որպես «բոլորին դեմ թեկնածու»: Նա վստահեցրել է, որ պատրաստ է հանել իր թեկնածությունը, եթե ընդդիմադիր գործիչ Ալեքսեյ Նավալնիին հաջողվի գրանցվել որպես թեկնածու:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԵՔՀ 8-րդ գագաթնաժողովի բացման արարողությունը Երևանում. ուղիղ