Նեպալցի շերպա Կամի Ռիտան 28-րդ անգամ բարձրացել է Էվերեստի գագաթ եւ նոր համաշխարհային ռեկորդ սահմանել

Նեպալցի շերպա-ուղեկցորդ Կամի Ռիտան երեքշաբթի 28-րդ անգամ հաղթահարել է աշխարհի ամենաբարձր՝ Էվերեստի գագաթը, լեռ բարձրանալու թվով նոր համաշխարհային ռեկորդ սահմանելով, Թվիթերում տեղեկացրել է վերելքը կազմակերպող ընկերությունը՝ Seven Summit Treks-ը։

«Այսօր առավոտյան Կամի Ռիտա Շերպան անհավանական՝ 28-րդ անգամ հաջող բարձրացել է Էվերեստի գագաթը»,- տեղեկացրել է ընկերությունը։

Նշվել է, որ անցած ռեկորդը՝ 27 անգամ լեռան գագաթ բարձրանալով, նույնպես պատկանել է Կամի Ռիտային, որը լեռան գագաթ բարձրացել է մայիսի 17-ին։ Նրան են պատկանում նաեւ նախորդ՝ 22, 23 եւ 24-րդ վերելքները։

Առաջին վերելքը աշխարհի ամենաբարձր գագաթ տեղի է ունեցել 1953թ. մայիսի 29-ին շերպա Թենցինգ Նորգեյի եւ նորզելանդացի Էդմունդ Հիլարիի կողմից։