Shot-ը տեղեկացրել է անօդաչուների կործանման հետեւանքով Կալուգայի մոտ տեղի ունեցած երկու պայթյունի մասին

Կալուգայի մարզում անօդաչու թռչող սարքերի ընկնելու հետեւանքով երկու պայթյուն է տեղի ունեցել։ Այս մասին տեղեկացրել է Shot Թելեգրամ-ալիքը՝ հղում կատարելով միջադեպի ականատեսներին։

«Առաջինն ուժեղ էր, երկրորդը՝ ավելի թույլ, տեղեկացրել են մեզ ականատեսները»,- նշվել է հրապարակման մեջ։

Տեղեկացվել է, որ ընկած անօդաչուների բեկորները ցրվել են А-108 մայրուղու 380-րդ կիլոմետրում։ Նշվել է, որ, ենթադրաբար, դրոնները կարող էին խփված լինել հակաօդային պաշտպանության (ՀՕՊ) համակարգի կողմից։