WhatsApp-ի օգտատերերին հասանելի կլինի նոր գործառույթ
WhatsApp-ը ներդնում է «Չաթի փակում» գործառույթը, որը թույլ կտա անձնական գրագրությունները տեղափոխել առանձին փաթեթ, որը բացելու համար կպահանջվի գաղտնաբառ կամ կենսաչափական տվյալների սքանավորում, տեղեկությունների բովանդակությունը փակ չաթերից ավտոմատ կերպով կփակվի ծանուցումներում։ Ինչպես տեղեկացրել է «ՌԻԱ Նովոստի»-ն, այս մասին նշվել է մեսենջերի պաշտոնական բլոգում։
«Չաթի փակում» գործառույթն անվտանգության հերթական միջոցն է, որի օգնությամբ դուք կկարողանաք պաշտպանել ձեր անձնական գրագրությունները։ Չաթը փակելուց հետո այն կտեղափոխվի գլխավոր էկրանից առանձին փաթեթ։ Այն բացելու համար կպահանջվի սարքի գաղտնաբառը կամ կենսաչափական տվյալների սքանավորում, օրինակ՝ մատնահետք։ Գրագրությունների պարունակությունն ավտոմատ կերպով կփակվի նաեւ ծանուցման մեջ»,- նշվել է հաղորդագրությունում։
Չաթը փակելու համար պետք է սեղմել զրուցակցի անվան կամ խմբի անվանման վրա անձնական գրագրության մեջ կամ եւ ընտրել համապատասխան տարբերակը։ Էկրանին չաթը տեսանելի դարձնելու համար պետք է մատը դանդաղ անցկացնել դրա վրայով, մտցնել հեռախոսի գաղտնաբառը կամ սքանավորել կենսաչափական տվյալները։
«Հաջորդ ամիսներին մենք կավելացնենք նոր հնարավորություններ այս գործառույթի համար, այդ թվում չաթերի փակում կից սարքերում եւ գաղտնաբառի ստեղծում փակ չաթերի համար, որը կարելի է օգտագործել հեռախոսի գաղտնաբառի փոխարեն։ Մենք արդեն ներդնում ենք «Չաթի փակում» գործառույթը»,- նշել են ընկերությունում։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Մենք ուզում ենք, որ դուք օր առաջ տնավորվեք ՀՀ-ում
Փոխվարչապետ Մհեր Գրիգորյանի և ԵՄ ընդլայնման հարցերի հանձնակատար Մարթա Կոսի հայտարարությունները
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Էնցո Ֆերնանդեսը ցանկանում է հեռանալ Չելսիից