Ադրբեջանցիները այս պահին երեւի կփորձեն ստուգել բեռնատար մեքենաներ, այնուհետեւ նաեւ քաղաքացիներին. Արցախի ԱԳ նախարար
Ադրբեջանի կողմից Հակարիի կամրջի վրա անցակետի տեղադրումը եւս մեկ հարված է Նոյեմբերի 9-ի եռակողմ փաստաթղթին եւ Ադրբեջանը առաջ է քաշում Արցախը էթնիկ զտման ենթարկելու իր քաղաքականությունը: Այս մասին Պետրոս Ղազարյանի հետ զրույցում ասել է Արցախի Հանրապետության ԱԳ նախարար Սերգեյ Ղազարյանը:
«Այս անցակետի տեղադրումով անվտանգային միջավայրի ընկալումն է փոխվում եւ այս քաղաքկանությունը Ադրբեջանը որդեգրել է վաղուց՝ տարբեր անհիմն, կեղծ մեղադրանքներ առաջ քաշելով նա փորձում է դիմել նման սադրանքների»,- ասաց նա:
Ղազարյանի խոսքով՝ առաջին հերթին Նոյեմբերի 9-ի փաստաթղթով ադրբեջանական կողմը երաշխավորել է, որ ԼՂ կապը Հայաստանի հետ անվտանգությունը ապահովելու է Ադրբեջանի կողմից եւ քաղաքացիները, տրանսպորտային միջոցները, բեռները անվտանգ անցնելու են երկու կողմից:
«Հիմա նոր պահանջներ են առաջ քաշում, այս պահին երեւի կփորձեն ստուգել բեռնատար մեքենաներ՝ ներկայացնելով, որ իբր ստուգում են, որ զենք չլինի, հաջորդ փուլում արդեն առաջ կքաշեն, որ ստուգում են քաղաքացիներին, նրանց անձնական իրերը եւ այլն: Պետք է նշեմ, որ այս կետը փաստաթղթի կարեւորագույն էլեմենտ էր եւ 2020 թվականիօն տեղահանված արցախցիների մեծ մասը վերադարձավ՝ հաշվի առնելով, որ այդ երաշխիքները կան, այդ թվում նաեւ Ռուսաստանի կողմից»,-ասաց նա:
ԱԳ նախարարն ասաց, որ արցախցիները վերադարձել են Արցախ՝ տեսնելով, որ ռուս խաղաղապահ զորակազմն է տեղակայվել, բայց հիմա հայտնվելեն պատանդի կարգավիճակում. «Մենք հիմա տեսնում ենք, որ Ադրբեջանը խաղաղապահների կարմիր գծերը հետ մղելով առաջ է գնում եւ տեսնում ենք, որ ռուսական կողմից տարբեր շրջանակների ներկայացուցիչներ խոսումեն, որ իրենց ուշադրությունը սեւեռված է այլ ուղղության վրա եւ դրանից շատ լավ օգտվում է ադրբեջանական կողմը: Հիմա մենք փորձում ենք հասկանալ՝ արդյոք կա վերջնագիծ, սահմանագիծ կամ համբերության բաժակ, որ ռուսական կողմն ունի այս առումով»:
Հարցին, թե արդյոք սա նաեւ Արցախի իշխանությունների համար է կարմիր գիծ, արտաքին գերատեսչության ղեկավարը ասաց, որ այո, եզրակացություններ բոլոր ուղղություններով վաղուց են անում, սակայն այս դեպքով ակնկալում են կոնկրետ քայլեր ՌԴ խաղաղապահ զորակազմի կողմից:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո