Իրանը 13.3 տոկոսով կզեղչի գազի գինը Թուրքիայի համար

Իրանի Իսլամական Հանրապետությունից Թուրքիա արտահանվող բնական գազն այսուհետև կմատակարարվի 13.3 տոկոս զեղչով:
Այս մասին հայտնում է «ermenihaber.am»–ը՝ «Milliyet»–ին հղումով։
Թեհրանում մամուլի ասուլիսի ժամանակ նման հայտարարություն է արել Իրանի նավթի փոխնախարարը։
Նշյալ զեղչն Իրանը Թուրքիայի համար կատարել է մի քանի օր առաջ միջազգային արբիտրաժային դատարանի որոշման հիման վրա: Դատարանն Իրանին պարտավորեցրել է ոչ միայն 10-15 տոկոսի չափով զեղչել բնական գազի գինը Թուրքիայի համար, այլ նաև Թուրքիային վճարել 1.9 մլրդ դոլար փոխհատուցում:
Աղբյուրը հիշեցնում է՝ պաշտոնական Թեհրանը և Անկարան իրանական գազի զեղչի հարցը նախ փորձեցին իրար միջև լուծել, սակայն հաջողության չհասնելով՝ Թուրքիան իրանական գազի գնի բարձր լինելու պատճառով 2012թ. դիմեց միջազգային արբիտրաժային դատարան:
Իրանը Ռուսաստանի Դաշնությունից հետո Թուրքիային բնական գազ վաճառող երկրորդ երկիրն է։
7or.am