Կենսաբանները պարզել են, որ օձերը կարող են անվաձեւ տեղաշարժվել

Կենսաբանները հայտնաբերել են վտանգից խուսափելու յուրահատուկ միջոց, որից օգտվում են Pseudorabdion longiceps-երը, որոնք ապրում են Հարավարեւելյան Ասիայի անտառներում: Նրանք մի շարք ցատկեր են կատարում՝ արագ թաքնվելով տեսադաշտից։

Առաջին անգամ նման վարքագիծը նկատվել է մի քանի տարի առաջ, սակայն գիտնականները չեն կարողացել դա ֆիքսել տեսանյութում։ Վերջերս կենսաբաններին հաջողվել է կրկին նկատել օձի անսովոր տեղաշարժը, գրում է Biotropica-ն։

Սողունը ծռվել է՝ մարմնի առջեւի մասը գետնից վեր բարձրացնելով, ապա պոչով կտրուկ հետ է քաշվել եւ կատարել շրջադարձ օդում։

Նման «անվային վազքը» թույլ է տվել օձին շատ ավելի արագ շարժվել. մոտ մեկուկես մետր տարածությունը նա հաղթահարել է ընդամենը հինգ վայրկյանում: Նրանք, հավանաբար, դիմում են այս ունակությանը միայն ծայրահեղ դեպքերում, երբ չափից շատ են վախենում։