Զինծառայողներին կարգելեն հանդես գալ հրապարակային կոչերով կամ հայտարարություններով
Հայաստանում զինծառայողներին կարգելեն օգտագործել սմարթֆոններ ծառայություն իրականացնելիս։ Այս մասին Ազգային ժողովի պաշտպանության եւ անվտանգության խորհրդարանական մշտական հանձնաժողովի նիստում, Հայաստանի Հանրապետության Զինված ուժերի Կանոնագրքում փոփոխություններ եւ լրացումներ կատարելու մասին օրինագծերի փաթեթի քննարկման ժամանակ, ապրիլի 3-ին ասել է հանրապետության պաշտպանության փոխնախարար Արման Սարգսյանը։
Նրա խոսքով՝ բացառություններ կլինեն այն դեպքերում, որոնք կորոշի ինքը՝ պաշտպանության նախարարը։ Բացի այդ, կմտցվի հանրահավաքներին եւ նման այլ միջոցառումներին մասնակցության արգելք՝ կապված հանրային դժգոհության դրսեւորման հետ՝ զինվորական կամ ծառայողական այլ ձեւով։
«Զինծառայողներին կարգելվի նաեւ հանդես գալ հրապարակային կոչերով կամ հայտարարություններով՝ կապված այն հարցերի հետ, որոնք վերաբերում են զինծառայությանը, ինչպես նաեւ քաղաքական հարցերին։ Ընդ որում՝ ինչպես անձնական, այնպես էլ կոլեկտիվ ձեւաչափով»,- ասել է Սարգսյանը։
Բացի այդ, զինվորականները, առանց իրենցից բարձր կանգնած ղեկավարության թույլտվության, իրավունք չեն ունենա տեղեկացնել եւ քննարկել տվյալներ ծառայության մասին, հրապարակել տեսանյութեր ու լուսանկարներ ԶԼՄ-ներում, ինչպես նաեւ ինտերնետում։
Մեկ այլ նորամուծություն վերաբերում է պայմանագրային զինծառայողներին։ Նրանք հնարավորություն կստանան ծառայելու մինչեւ 10 տարի՝ շեմային տարիքին հասնելուց հետո, պայմանագրի ամենամյա երկարացման սկզբունքով։ Միջին եւ ավագ օղակի նախկին սպաները եւս կստանան ծառայության վերադառնալու հնարավորություն՝ որպես պայմանագրային զինծառայողներ։
Համեմատաբար կարճ քննարկումներից հետո օրենսդրական նախաձեռնությունն ստացավ մշտական հանձնաժողովի դրական եզրակացությունը։
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Երևանը միանում է «Երկրի ժամ» համաշխարհային բնապահպանական նախաձեռնությանը
Թբիլիսիում քննարկել են երաժիշտների իրավունքները, աշխատանքային պայմանները և մշակութային քաղաքականությ...
Իրանում պատերազմը Հնդկաստանին կանգնեցրել է գազային ճգնաժամի առաջ
Փարիզի Սամուելյանի Արևելյան գրախանութի աճուրդի հանված արժեքավոր որոշ գրքեր արդեն Հայաստանում են
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
Քեզ ասում են՝ չե՞ս ուզում կռվել այս պայմաններով, ուրեմն մեկ տարի առանց մենամարտերի կնստես
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում