Մարդկանց հասակը վերջին 2000 տարում չի փոխվել. հետազոտություն

Գիտնականները պարզել են, որ մարդկանց հասակը վերջին 2000 տարում գրեթե չի փոխվել։

Միլանի համալսարանի գիտնականներն ուսումնասիրել են քաղաքի 13 տարբեր մասերից վերցված տղամարդկանց եւ կանանց ոսկորներ, որոնք պատկանել են հինգ պատմական դարաշրջաններից մեկին՝ Հռոմի դարաշրջանին (մ.թ. I-V դարեր), վաղ միջնադարին (VI-X դարեր), ուշ միջնադարին (XI-XV դարեր), Նոր ժամանակներին (XVI-XVIII դարեր) եւ արդի ժամանակաշրջանին (XIX-XX դարեր)։

Յուրաքանչյուր խմբում գնահատել են մոտ 100 մարդու ոսկորներ։ Կանանց հասակը տատանվել է 143,2-ից 177,6 սանտիմետրի սահմաններում։ Միջին ցուցանիշը ստացվել է մոտ 157,8 սանտիմետր։ Տղամարդկանց հասակը տատանվել է 152,0-ից 195,4 սանտիմետրի սահմաններում, միջինը՝ 168,5 սանտիմետր։

Համեմատելով պատմական շրջանները՝ գիտնականներն էական փոփոխություններ մարդկանց հասակի հարցում չեն գտել։