Հոգեբանը բացատրել է, թե ինչու են ամուսնացած տղամարդիկ նամակագրություն հաստատում այլ կանանց հետ
Պատճառը, թե ինչու է զուգընկերը շփվում այլ աղջիկների հետ, կարող է տարբեր լինել․ տղամարդը կարող է սիրուհի փնտրել, ինքնահաստատվել, ճգնաժամային տարիքում լինել կամ հավատալ ընկերությանը։ Եվ այս բոլոր պատճառները կապված են նրա հետ, որ տղամարդը հարաբերություններում ինչ-որ բանի պակաս է զգում։ Այս մասին «Газете.Ru»-ին պատմել է հոգեբան Նադեժդա Ակիմովան։ Նա բացատրել է, թե ինչու են տղամարդիկ նամակագրական կապ հաստատում այլ կանանց հետ։
Մասնագետի խոսքով՝ հակառակ սեռի հետ զուգընկերոջ շփվելու ամենաանմխիթարական պատճառը սիրուհու փնտրտուքն է։ Տղամարդիկ դիմում են այդ քայլին, երբ սիրո ու սեքսի պակաս են զգում։
«Այնուամենայնիվ, միշտ չէ, որ ամեն ինչ այդքան պարզ է։ Երբեմն տղամարդիկ իսկապես ցանկանում են շփվել։ Եվ դա երկրորդ պատճառն է։ Եթե սիրելին չի լսում տղամարդուն, իսկ նա չգիտի՝ ում հետ կիսվի իր մտքերով, երբեմն ստիպված է լինում «սիրտը մեկ ուրիշի առաջ բացել»», – ասել է հոգեբանը։
Այլ կանանց հետ շփվելու մյուս պատճառը միջին տարիքի ճգնաժամն է։
Բանն այն է, նկատում է հոգեբանը, որ բարձր տարիքի տղամարդկանց համար շատ դժվար է գիտակցել, որ նրանք պետք է համակերպվեն ալեհեր մազերի հետ եւ նստեն պահեստայինների նստարանին, մինչ երիտասարդների մոտ ամեն ինչ նոր է սկսում։ Այդ ժամանակ նրանք սկսում են իրենց «ապացուցել», որ դեռ գրավիչ են։
Նա հավելել է, որ կան նաեւ տղամարդիկ, ովքեր իրենց պոլիգամ են համարում։ Բայց իրականում բազմակնությունը մեծ մասամբ պայմանավորված է կրթության պակասով եւ փոփոխական բնավորությամբ։
Մեկ այլ հաճախ հանդիպող պատճառը, թե ինչու է տղամարդը շփվում այլ աղջիկների հետ, այն է, որ նա հավատում է ընկերությանը:
«Չնայած նրան, որ շատերն ապրիորի համարում են, որ տղամարդու եւ կնոջ միջեւ ընկերություն գոյություն չունի, դա այդպես չէ: Անկեղծ ընկերության բազմաթիվ օրինակներ ապացուցում են հակառակը։ Բացի այդ, շփվելով հակառակ սեռի ընկերոջ հետ, դուք կարող եք շատ բան սովորել: Օրինակ, իմանալ, թե ինչպես հարաբերություններ հաստատել ձեր սիրելիի հետ:
Այսպես թե այնպես, ամեն դեպքում չի կարելի 100 տոկոսով վստահ լինել, որ նամակագրությունը իսկական դավաճանություն է։ Ցանկացած պատճառ պետք է ավելի մանրամասն դիտարկել: Լավագույն տարբերակը՝ ընտանեկան հոգեբանի մոտ»,- խորհուրդ է տվել Ակիմովան:
Հայկական ֆուտբոլում հասունանում է իրավական նոր սկանդալ
Ռուսաստանը օգոստոսի 20-ի գիշերը բալիստիկ հրթիռներով հարվածել է Կիևին
Իրանը քննարկում է Եվրոպայում ամերիկյան օբյեկտների հարվածներ հասցնելու հնարավորությունը. FT
Սերգեյ Բագրատյանին երեք օրով չվճարվող արձակուրդ է տրամադրվել
Հրապարակվել է Կառավարության ծրագիրը՝ հիմնված «Իրական Հայաստանի» գաղափարախոսության վրա
Դեպի ԵՄ երկրներ արտահանման ծավալն աճել է
Սուրեն Պապիկյանն անակնկալ ստուգայցեր է իրականացնում ՊՆ զորամասերում
Եվս մեկ ստուգայց՝ հերթապահություն իրականացնող զորամասերից մեկում. Պապիկյան
Վրաերթի են ենարկվել զինծառայողներ, մեկը մահացել է
ԱՄՆ տարածաշրջանից «պատվով դուրս գալու» ելք է փնտրում․ Իրանի խորհրդարանի խոսնակ