The Wall Street Journal-ի թղթակիցը Թուրքիայում դատապարտվել է 2 տարվա ազատազրկման

Թուրքիայում 2 տարի, 1 ամիս ժամկետով ազատազրկման է դատապարտվել ամերիկյան The Wall Street Journal պարբերականի թղթակից Այլա Ալբայրաքը, ում թուրքական դատարանը մեղադրում էր Թուրքիայում ահաբեկչական համարվող «Քուրդիստանի աշխատավորական կուսակցություն» խմբավորման օգտին քարոզչություն անելու համար:

Ինչպես հայտնում է BBC-ի թուրքական ծառայությունը, Ալբայրաքը դեռևս 2015թ.-ի օգոստոսին անդրադարձել էր Թուրքիայի հարավ-արևելքում քրդաբնակ շրջաններում ահագնացած զինված բախումներին և հարցազրույցեր անցկացրել քուրդ զինյալներից ոմանց հետ:

Ալբայրաքը հայտնել է, որ դատարանի որոշումը նրան չի զարմացրել՝ հաշվի առնելով Թուրքիայում առկա իրավիճակը:

Նա նաև նշել է, որ որպես լրագրող ձգտել է անկողմնակալ ներկայացնել տեղի ունեցածը, և դա նրան հաջողվել է: