Լինեկեր․ Ռոնալդուի վարքն անընդունելի է, շատ վատ է

Անգլիայի հավաքականի, «Լեսթեր Սիթիի» եւ «Բարսելոնայի» նախկին հարձակվող, բրիտանացի հեռուստամեկնաբան Գարի Լինեկերը քննադատել է «Մանչեսթեր Յունայթեդի» 37-ամյա հարձակվող Կրիշտիանու Ռոնալդուին Լոնդոնի «Տոտենհեմի» դեմ Անգլիայի Պրեմիեր լիգայի 12-րդ տուրի հանդիպման 90-րդ րոպեին պահեստայինների նստարանը լքելու եւ հանդերձարան գնալու համար։

«Մանչեսթեր Յունայթեդը» «Տոտենհեմին» հաղթել էր 2:0 հաշվով։ 47-րդ րոպեին խաղի հաշիվը բացել էր բրազիլացի կիսապաշտպան Ֆրեդը։ 69-րդ րոպեին աչքի էր ընկել պորտուգալացի կիսապաշտպան Բրունու Ֆերնանդեշը։

«Ռոնալդուի վարքն անընդունել է, շատ վատ է։ Երբ թիմը կարեւոր հաղթանակ է տանում «Տոտենհեմի» նման մրցակցի նկատմամբ, այդպես չեն վարվում»,- Լինեկերի խոսքը մեջբերում է BBC-ն։

Ռոնալդուն չէր ընդգրկվել Էրիկ տեն Հագի գլխավորած թիմի մեկնարկային կազմում։ Մինչեւ 90-րդ րոպեին հոլանդացի մասնագետը կատարել էր երեք փոփոխություն հինգ հնարավորից։

Անգլիայի ընթացիկ առաջնությունում Ռոնալդուն մասնակցել է 8 հանդիպման, խփել 1 գոլ։ «Մանչեսթեր Յունայթեդը» 19 միավորով 5-րդն է, «Տոտենհեմը» երրորդն է՝ 23 միավոր։