ChessMood Open. Պետրոսյանը ոչ ոքի խաղաց Փաշիկյանի հետ եւ մնաց առաջին տեղում

Ծաղկաձորում ավարտին մոտեցող ChessMood Open շախմատային մրցաշարի նախավերջին տուրում Հայաստանի հավաքականի խաղացող Մանուել Պետրոսյանը սպիտակ ֆիգուրներով ոչ ոքի խաղաց ազգային թիմի ավագ եւ մարզիչ Արման Փաշիկյանի հետ եւ 8 հնարավորից վաստակելով 7 միավոր՝ մնաց առաջին տեղում։

7 միավոր ունի նաեւ երկրորդ տեղում գտնվող իրանցի Ամիռեզա Պուր Աղա Բալան։

6-ական միավորով 3-5-րդ տեղերն են բաժանում վրացի Միխեիլ Մչեդլիշվիլին, Շանթ Սարգսյանը եւ իրանցի Արաշ Դաղլին։

Մրցաշարին մասնակցում է 85 շախմատիստ Հայաստանից, ԱՄՆ-ից, Հնդկաստանից, Իրանից, Ռուսաստանից, Ֆրանսիայից, Լիտվայից, Վրաստանից, Ուկրաինայից։