Օմբուդսմենի եվրոպական ինստիտուտը բացահայտել է Ադրբեջանի օմբուդսմենի՝ ԼՂ մասին սուտը

armtimes.com-ը գրում է. Ադրբեջանի մարդու իրավունքների լիազոր (օ մբուդսմեն) Էլմիրա Սույելմանովան Օմբուդսմենի եվրոպական ինստիտուտի (EOI)՝ Բուխարեստում կայացած Գլխավոր վեհաժողովին մասնակցելուց հետո վերադարձել է Ադրբեջան և հայտարարություն է տարածել, թե վեհաժողովի ժամանակ կասեցվել է Արցախի օմբուդսմեն Ռուբեն Մելիքյանի ելույթը:

Սակայն EOI-ի գլխավոր քարտուղար Յոզեֆ Սիգելը հերքել է այդ տեղեկությունը՝ ադրբեջանական լրատվամիջոցներին խնդրելով ուղղել ապատեղեկատվությունը, թե ԼՂ օմբուդսմենին զրկել են կազմակերպության անդամակցությունից, գրում են ադրբեջանական լրատվամիջոցները:

«EOI-ն որևէ կառույցի հեռացման փորձ չի ունեցել` այդ թվում և Լեռնային Ղարաբաղի օմբուդսմենի անկախ կառույցի: EOI-ն քաղաքական խնդիրներ չի լուծում և թույլ չի տալիս քաղաքական ազդեցությունն ու կապը քաղաքական հարցերին», - նշել է Սիգելը:

Նա նաև նշել է, որ ԼՂՀ օմբուդսմենը որևէ քաղաքական հարց չի շոշափել Վեհաժողովի ժամանակ, այլ միայն ներկայացրել է երեխաների իրավունքների խախտման առնչությամբ փաստեր՝ առանց քաղաքական ենթատեքստի: