Ռոնալդու․ Գերազանց խաղ էր, կարեւոր հաղթանակ

Կրիշտիանու Ռոնալդուն սոցիալական ցանցերում արած գրառումով մեկնաբանել է 4:0 հաշվով հաղթանակը Չեխիայի թիմի նկատմամբ Ազգերի լիգայի նախավերջին տուրում։

«Գերազանց խաղ էր, կարեւոր հաղթանակ։ Մենք կենտրոնացած ենք մեր նպատակի վրա։

Շնորհակալություն պորտուգալացի հանդիսականներին՝ ֆանտաստիկ աջակցության համար»,- գրել է Պորտուգալիայի հավաքականի եւ անգլիական «Մանչեսթեր Յունայթեդի» 37-ամյա հարձակվողը։

Այս խմբում Իսպանիան տանը 2:1 հաշվով պարտվեց Շվեյցարիային:

A լիգայի երկրորդ խմբում Պորտուգալիան 10 միավորով գլխավորում է մրցաշարային աղյուսակը եւ 2 միավոր առաջ է երկրորդ տեղում գտնվող Իսպանիայից։ Շվեյցարիան երրորդն է՝ 6 միավոր, Չեխիան վերջինն է՝ 4 միավոր։ Սեպտեմբերի 27-ին Պորտուգալիան տանը կմրցի իսպանացիների հետ։ Այդ խաղում կվիճարկվի փլեյ-օֆֆի ուղեգիրը։

Երեկ կայացան նաեւ հետեւյալ հանդիպումները.

B լիգա, խումբ 1

Հայաստան-Ուկրաինա 0:5

Շոտլանդիա-Իռլանդիա 2:1

B լիգա, խումբ 2

Իսրայել-Ալբանիա 2:1

B լիգա, խումբ 4

Սլովենիա-Նորվեգիա 2:1

Սերբիա-Շվեդիա 4:1

C լիգա, խումբ 2

Հյ. Իռլանդիա-Կոսովո 2:1

Հունաստան-Կիպրոս 0:1