Ստամբուլում թուրքերենով հրատարակվել է «Մուսա լեռան դիմադրությունը» գիրքը
Ստամբուլում թուրքերենով հրատարակվել է իտալացի հեղինակներ Մարկո Տոսատտիի ու Ֆլավիա Ամաբիլեի հեղինակած «Մուսա լեռան դիմադրությունը» գիրքը, որը լույս է ընծայել Թուրքիայի հայկական «Արաս» հրատարակչությունը:
Մարկո Տոսատտին ու Ֆլավիա Ամաբիլեն հայտնի են նաև իրենց «Հալեպի բարոնները» գրքով, որը պատմում է Հալեպի՝ հայկական գերդաստանի հիմնած առաջին հյուրանոցի ու դրա շուրջ զարգացող պատմական իրադարձությունների մասին:
Իտալերենից թարգմանված «Մուսա լեռան դիմադրությունը» գիրքը թուրքալեզու ընթերցողին կպատմի Ցեղասպանության տարիներին զենք բարձրացրած և ինքնապաշտպանության դիմած կիլիկիացի հայերի պայքարի ու անցած դժվարությունների մասին: Գիրքը նաև ծանոթացնում է մուսալեռցի հայերի մշակութային առանձնահատկություններին՝ խոհանոցին, ազգային ավանդույթներին ու ապրելակերպին:
Նշենք, որ «Արաս» հրատարակչությունը հիմնադրվել է Ստամբուլում 1993թ.-ին: Հրատարակչությունը կարճ ժամանակում կարողացել է շատերի համար դառնալ «պատուհան» դեպի հայկական գրականություն, քանի որ զբաղվում է հայ դասականների, հայոց պատմության և Հայոց ցեղասպանության վերաբերյալ բազմաթիվ գրքերի թուրքերեն թարգմանությամբ՝ հասանելի դարձնելով այն թուրքական հասարակության բոլոր խավերին:
Հրատարակչությունն ունի նաև արևմտահայերենով հրատարակված գրքեր:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Էնցո Ֆերնանդեսը ցանկանում է հեռանալ Չելսիից
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Ամբերդ ամրոց և Քարի լիճ տանող ավտոճանապարհները փակ են