8 նշան, որ տղամարդու մոտ տեստոստերոնի մակարդակը նվազել է
Տեստոստերոնը արական կարեւորագույն հորմոններից է։ Հենց դա է պատասխանատու մկանների եւ լիբիդոյի համար։ Հորմոնն օրգանիզմում շատ կարեւոր դեր է խաղում, ուստի եթե դրա մակարդակը նվազում է, դա ոչ միայն մարզասարահում եւ անկողնում է խնդիրներ առաջացնում, նշում է էնդոկրինոլոգ Բրեդլի Անավալտը։
Տեստոստերոնի ցածր մակարդակի մասին են վկայում հետեւյալ երեւույթների առկայությունը
Լիբիդոյի անկում
Ուրոլոգ Ֆիլիպ Վերթմանը պնդում է, որ տեստոստերոնի ցածր մակարդակն անմիջապես ազդում է լիբիդոյի վրա։ Տեստոստերոնի ցածր մակարդակով ամեն պացիենտ ոչ միայն հազվադեպ է սեքս ուզում, այլ նաեւ քիչ է ձեռնաշարժությամբ զբաղվում։
Մկանները թուլանում են
Եթե տղամարդու մոտ տեստոստերոնը նորմալ քանակությամբ է, նա արագ մկաններ է «գցում»։ Եթե այդ հորմոնի մակարդակը նվազում է, մկանները սկսում են թուլանալ եւ պակասել։
Առնանդամը կարող է փոքրանալ
Տեստոստերոնի մակարդակի նվազման հետեւանքով ամորձիներն ու առնանդամը կարող են փոքրանալ։ Ամորձիները կարող են կորցնել իրենց ամրությունը։
Որովայնի շրջանում ճարպ է կուտակվում
Տեստոստերոնի ցածր մակարդակի հետեւանքով տղամարդիկ սկսում են գիրանալ։ Հիմնականում ճարպը կուտակվում է որովայնի շրջանում։
Վատ հիշողություն
Տեստոստերոնի ցածր մակարդակը հաճախ ազդում է ճանաչողական հնարավորությունների վրա եւ վատացնում հիշողությունը։
Տրամադրության վայրիվերումներ
Տեստոստերոնի ցածր մակարդակը ազդում է նաեւ տղամարդու ընդհանուր ինքնազգացողության եւ տրամադրության վրա։ Endocrine Journal-ում լույս տեսած հոդվածի համաձայն՝ երիտասարդ տղամարդկանց 23 տոկոսը դեպրեսիայի նշաններ է ցույց տալիս տեստոստերոնի ցածր մակարդակի դեպքում։ Նորմալ մակարդակի դեպքում այդ ցուցանիշը 5 տոկոս է։
Ոսկորները թուլանում են
Տեստոստերոնի ցածր մակարդակի դեպքում ոսկորներն ավելի թույլ են դառնում եւ հեշտ են կոտրվում։ Իսկ կոտրվածքներից հետո երկար ժամանակ է պետք լինում վերականգնման համար։
Սիրտը վտանգի տակ է
Համարվում է, որ տեստոստերոնի ցածր մակարդակը մեծացնում է սրտի հիվանդություններից մահանալու ռիսկը։ Դա հավանաբար կապված է այն բանի հետ, որ տեստոստերոնն անհրաժեշտ է արյունատար անոթների պահպանման եւ նորմար արյան շրջանառության համար։
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Պարզեցվել է անհատական բնակելի տների կառուցման գործընթացը
Գյումրու գլխավոր ճարտարապետը մեղադրյալի աթոռին է՝ կաշառք ստանալու, պաշտոնեական կեղծիքի համար
Իրանի հարստացված ուրանի պաշարները միջուկային օբյեկտների փլատակներում են
Հայաստանում 2025 թվականի ընթացքում արտադրված էլեկտրաէներգիայի 14%-ը բաժին է հասնում արևային կայաններ...
Նեթանյահուն վստահ չէ, որ Իսրայելի և ԱՄՆ-ի գործողություններից հետո իրանցիներն իշխանափոխություն կանեն