Նոր ռազմաճակատների բացումը կօգներ Ուկրաինային. Դանիլովը Լեռնային Ղարաբաղի եւ Վրաստանի մասին
ՌԴ շահերի դաշտում գտնվող այլ երկրների տարածքներում ռազմաճակատների ի հայտ գալը մեծապես կօգներ Ուկրաինային պայքարելու ռուսական հարձակման դեմ:
Նման կարծիք է հայտնել Ուկրաինայի Ազգային անվտանգության եւ պաշտպանության ծառայության քարտուղար Ալեքսեյ Դանիլովը հեռուստամարաթոնի եթերում, հաղորդում է УНИАН-ը:
«Այն բանից հետո, ինչ Լեռնային Ղարաբաղը ռազմական դրություն է հայտարարել իր տարածքում, կարող եմ ասել. այնտեղ իսկապես գործողություններ են տեղի ունենում: «Բայրաքթարները» ոչ միայն վերացնում են օրկերին մեր տարածքում, նրանք աշխատում են նաեւ Լեռնային Ղարաբաղում: ԵՎ այնտեղ Հայաստանն այսօր դիմում է Ռուսաստանին, որպեսզի նա օգնի զորքերին: Սակայն նրանք այնտեղից զորքերը դուրս են բերել անցյալ շաբաթ եւ ուղարկել են մեր երկիր: Մենք հետևել ենք այդ շարասյուներին: ԵՎ մենք հասկանում ենք, որ օգնությունը, որը ՌԴ-ն խոստացել է Լեռնային Ղարաբաղին եւ Հայաստանին, ամենայն հավանականությամբ, դժվար հայտնվի այնտեղ»,- մեկնաբանել է Դանիլովը:
Բացի այդ, նա ուշադրություն է հրավիրել այն հանգամանքի վրա, որ Կուրիլյան շղթայի չորս կղզիների պատկանելության մասին Ճապոնիայի հայտարարությունից հետո ՌԴ-ն զորավարժություններ է սկսել: «ՌԴ պաշտպանության այդ հատվածում առկա զինվորականների թիվն այսօրվա դրությամբ ծայրահեղ քիչ է, քանի որ նրանք բոլորին ուղարկել են այստեղ»,- ասել է Դանիլովը:
«Ինչով կավարտվի այս իրավիճակը, դեռևս հայտնի չէ: Սակայն եթե այլ ճակատներ բացվեն Ռուսաստանի Դաշնության համար, որոնք նա արհեստակաորեն ստեղծել է իր իսկ ձեռքերով իր կարճ պատմության ընթացքում, դրանք մեզ շատ կօգնեն»,-նշել է գործիչը:
Դանիլովն ընդգծել է նաեւ, որ «Վրաստանն իրեն, մեղմ ասած, այնքան էլ ճիշտ չի պահում»:
«Սակայն եթե Մերձդնեստրը եւ Վրաստանը եւ բոլորն այսօր զբաղվեին իրենց տարածքների վերադարձով… Բացի այդ, Լեհաստանը դեռեւս ոչ պաշտոնական մակարդակով ելույթ է ունեցել՝ պահանջներ ներկայացնելով Կալինինգրադի մարզի նկատմամբ: Դա մեզ շատ կօգներ, քանի որ նրանք այլ զբաղմունք կունենային մեր գյուղերն ու քաղաքները ոչնչացնելուց, մեր կանանց եւ երախաներին սպանելուց բացի»,- հավելել է Ազգային անվտանգության եւ պաշտպանության ծառայության քարտուղարը:
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Երևանը միանում է «Երկրի ժամ» համաշխարհային բնապահպանական նախաձեռնությանը
Թբիլիսիում քննարկել են երաժիշտների իրավունքները, աշխատանքային պայմանները և մշակութային քաղաքականությ...
Իրանում պատերազմը Հնդկաստանին կանգնեցրել է գազային ճգնաժամի առաջ
Փարիզի Սամուելյանի Արևելյան գրախանութի աճուրդի հանված արժեքավոր որոշ գրքեր արդեն Հայաստանում են
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
Քեզ ասում են՝ չե՞ս ուզում կռվել այս պայմաններով, ուրեմն մեկ տարի առանց մենամարտերի կնստես
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում