Անթալիայում ծեծկռտուք է տեղի ունեցել սիրիացի ներգաղթյալների և տեղացիների միջև, կա 7 վիրավոր

Անթալիայում ծեծկռտուք է տեղի ունեցել տեղացիների և սիրիացի ներգաղթյալների միջև, հայտնում է թուրքական IHA գործակալությունը:

Հայտնի է, որ բախումների հետևանքով տուժել է 7 սիրիացի:

Նշվում է, որ կռիվը ծագել է, երբ քաղաքում բնակվող սիրիացի ներգաղթյալ երիտասարդներից մեկը հաց է գողացել տեղի փռերից մեկից: Դրանից հետո ազգայնականների խմբերը սկսել են քայլել սիրիացիներով բնակեցված թաղամասի փողոցներով ՝ բղավելով «Այստեղ սիրիացի չենք ցանկանում», այս ամենը վերաճել է մեծ ծեծկռտուքի:

Կռվին մասնակցել է ավելի քան 600 մարդ: Այն հաջողվել է կանգնեցնել դեպքի վայր ժամանած իրավապահների շնորհիվ:

Հիշեցնենք, որ Թուրքիայում գրանցված սիրիացի ներգաղթյալների թիվը, պաշտոնական տվյալների համաձայն, արդեն անցել է 3 մլն-ից:

Ընդհանուր առմամբ, 2016 թվականին Թուրքիան ընդունել է 2 մլն 900 հազ. փախստական, որոնց մեծ մասը սիրիացի և իրաքցի ներգաղթյալներ են: