Մոսկվայի Տվերի դատարանն արգելել է ՌԴ-ում Facebook-ը եւ Instagram-ը՝ ծայրահեղական գործունեության համար
Մոսկվայի Տվերի դատարանն արգելել է ՌԴ-ում Facebook-ը եւ Instagram-ը՝ ծայրահեղական գործունեության համար, հաղորդում է «ՌԻԱ Նովոստին»։
«Որոշումն անհապաղ կիրականացվի»,- հայտնել է դատարանը։
Գլխավոր դատախազությունը հայցը բացատրել է որպես ռուսաստանցիներին իրենց իրավունքների հետագա խախտումներից պաշտպանելու ցանկություն։ Այսպիսով, Instagram-ն անտեսել է ավելի քան 4,5 հազար պահանջ՝ հեռացնելու Ուկրաինայում Ռուսաստանի հատուկ գործողության մասին կեղծիքները եւ չարտոնված հանրահավաքների կոչերը։
Ըստ դատախազների՝ ծայրահեղական տեղեկատվությունը սպառնում է ինչպես անհատներին, այնպես էլ ողջ հասարակությանը:
Դատախազը նշել է, որ որոշումը չի տարածվում WhatsApp մեսենջերի վրա։
Իր հերթին, Meta-ի ներկայացուցիչն առարկել է, որ ռուս օգտատերերը շփման համար օգտվում են այդ հարթակներից։ Խախտումների համար ընկերությունն արդեն տուգանքներ է վճարել։
Meta-ն նշել է, որ արգելափակման դեպքում հսկայական քանակությամբ ոչ հակասական տեղեկատվություն անհասանելի կդառնա։
Ավելի վաղ Meta Platforms-ն ուկրաինական իրադարձությունների ֆոնին Facebook-ում եւ Instagram-ում ժամանակավորապես հանել էր ռուս զինվորականների նկատմամբ բռնության կոչերի արգելքը, «բայց ոչ՝ Ռուսաստանի Դաշնության քաղաքացիական բնակչության նկատմամբ»։
Դրանից հետո ՌԴ գլխավոր դատախազությունը բարձրացրել է Meta-ն ծայրահեղական կազմակերպություն ճանաչելու հարցը, իսկ ՌԴ Քննչական կոմիտեն քրեական գործ է հարուցել ծայրահեղականության հրապարակային կոչերի եւ ահաբեկչությանն օժանդակելու վերաբերյալ։
Meta-ի փոխնախագահ Նիկ Քլեգը ավելի ուշ բացատրել է, որ նոր քաղաքականությունը կկիրառվի միայն Ուկրաինայում եւ վստահեցրել է, որ Meta-ն «չի հանդուրժի ռուսաֆոբիան»:
Գլխավոր դատախազության խնդրանքով «Ռոսկոմնադզոր»-ը Ռուսաստանում սահմանափակել է մուտքը Instagram՝ ռուսաստանցիների նկատմամբ բռնություն գործադրելու կոչերի պատճառով։ Անցած երկուշաբթի օրվանից Instagram-ն անհասանելի է ռուսական IP հասցեների համար։
Իսկ մինչ այդ «Ռոսկոմնադզորն» արգելափակել էր Facebook-ը՝ ռուսական լրատվամիջոցների եւ տեղեկատվական ռեսուրսների նկատմամբ զանգվածային խտրականության պատճառով։
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Թբիլիսիում քննարկել են երաժիշտների իրավունքները, աշխատանքային պայմանները և մշակութային քաղաքականությ...
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
Փարիզի Սամուելյանի Արևելյան գրախանութի աճուրդի հանված արժեքավոր որոշ գրքեր արդեն Հայաստանում են
Երևանը միանում է «Երկրի ժամ» համաշխարհային բնապահպանական նախաձեռնությանը
Իրանում պատերազմը Հնդկաստանին կանգնեցրել է գազային ճգնաժամի առաջ
Քեզ ասում են՝ չե՞ս ուզում կռվել այս պայմաններով, ուրեմն մեկ տարի առանց մենամարտերի կնստես