Բլինքեն. Ուկրաինայի ՆԱՏՕ չմտնելը չպետք է ընկալել որպես զիջում Ռուսաստանին
ԱՄՆ պետքարտուղար Էնթոնի Բլինքենի կարծիքով՝ Ուկրաինայի չմտնելը ՆԱՏՕ չպետք է ընկալել որպես զիջում Ռուսաստանին։
«Չեմ կարծում, թե սա զիջում է»,- ասել է Բլինքենը CNN հեռուստաընկերության եթերում։
«Իմ կարծիքով՝ սա ընդամենը իրականության արտացոլումն է, որը նշանակում է, որ դեռեւս ռուսական ագրեսիայից առաջ Ուկրաինան չէր պատրաստվում հաջորդ օրը միանալ ՆԱՏՕ-ին»,- պարզաբանել է պետքարտուղարը։
Ավելի վաղ Ուկրաինայի նախագահ Վլադիմիր Զելենսկին խոսել էր այն փաստն ընդունելու անհրաժեշտության մասին, որ երկրին տեսանելի ապագայում չի հաջողվի դառնալ ՆԱՏՕ-ի անդամ։
Բլինքենը քննադատել է նաեւ Չինաստանի դիրքորոշումը Ուկրաինայում հակամարտության վերաբերյալ։
«Փաստը, որ Չինաստանը չի դատապարտել Ռուսաստանի գործողությունները, ինքնին շատ բանի մասին է ասում, ոչ միայն Ռուսաստանին, Ուկրաինային կամ Եվրոպային, այլեւ ամբողջ աշխարհին»,- նշել է Բլինքենը։
«Երկրորդ,- շարունակել է նա,- մենք անհանգստացած ենք նրանով, որ Չինաստանը կարող է նյութական օգնություն ցուցաբերել Ռուսաստանին կամ խափանել մեր մտցրած պատժամիջոցները։ Մենք այդ մասին ուղղակիորեն ասել ենք Չինաստանին, այդ թվում վերջին 24 ժամում, չինացի գործընկերոջ հետ նախագահի ազգային անվանգության գծով խորհրդական Ջեյք Սալիվանի հանդիպման ժամանակ»։
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
Իրանում պատերազմը Հնդկաստանին կանգնեցրել է գազային ճգնաժամի առաջ
Երևանը միանում է «Երկրի ժամ» համաշխարհային բնապահպանական նախաձեռնությանը
Ազգային ժողովը շարունակում է իր քառօրյա նիստերի աշխատանքը (տեսանյութ)
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
«Վարդաշեն» քրեակատարողական հիմնարկից դատապարտյալ է փախել
Պետական առողջապահական գործակալությունը կդադարեցնի գործունեությունը