Վեյփինգը նպաստում է 2-րդ տիպի շաքարախտի զարգացմանը. հետազոտություն

Վեյփինգը նպաստում է 2-րդ տիպի շաքարախտի զարգացմանը, պարզել են ԱՄՆ-ի Ջոն Հոփկինսի բժշկական դպրոցի գիտնականները: Նրանց հետազոտության արդյունքները հրապարակվել են American Journal of Preventive Medicine ամսագրում։

Գիտնականները վերլուծել են ավելի քան 600 000 մարդու տվյալներ, որոնց 9 տոկոսն ակտիվորեն էլեկտրոնային ծխախոտ են օգտագործել, ինչպես նաեւ նախադիաբետի ախտանիշներ են նկատել։ Վեյփ ծխողների մոտ 2-րդ տիպի շաքարախտի զարգացման ռիսկը 1.54 անգամ ավելի բարձր է եղել՝ նրանց համեմատ, ովքեր այդ կերպ նիկոտին չեն օգտագործել:

Հետազոտության հեղինակները կարծում են, որ ռիսկի բարձրացման պատճառը կարող է լինել նիկոտինի մեջ, որը կարող է ազդել օրգանիզմում ինսուլինի արտադրության վրա։

Գիտնականները նաեւ ֆիզիկական եւ մտավոր առողջության վատթարացում են նկատել էլեկտրոնային ծխախոտ օգտագործողների մոտ: