Ադրբեջանը հետախուզում է հայտարարել ՀՀ նախկին նախագահներ Ռոբերտ Քոչարյանի եւ Սերժ Սարգսյանի նկատմամբ
Ադրբեջանը հետախուզում է հայտարարել ՀՀ նախկին նախագահներ Ռոբերտ Քոչարյանի եւ Սերժ Սարգսյանի նկատմամբ։
«Հայաստանի նախկին նախագահներ Ռոբերտ Քոչարյանը եւ Սերժ Սարգսյանը քրեական օրենսգրքի համապատասխան հոդվածներով քրեական պատասխանատվության են ենթարկվել, նրանց նկատմամբ հետախուզում է հայտարարվել»,- ասել է Ադրբեջանի զինդատախազության հատուկ հետաքննությունների բաժնի պետ, արդարադատության ավագ խորհրդական Էմիլ Թաղիեւը։ Նրա խոսքը մեջբերում են ադրբեջանական լրատվամիջոցները։
Նա ընդգծել է, որ 1988 թ․ փետրվարից Քոչարյանն ու Սարգսյանը՝ Ադրբեջանի եւ Հայաստանի ժողովուրդների միջեւ ազգային թշնամանք, ատելություն հրահրելու նպատակով, Ղարաբաղում կազմակերպությունների եւ հաստատությունների հայազգի աշխատակիցների հավաքներ են անցկացրել։
«Քանի որ նրանք քարոզում են, որ Ղարաբաղը պատկանում է հայերին, եւ այնտեղ պետք է ապրեն միայն հայերը, ինչպես նաեւ կոչ են անում վտարել ադրբեջանցիներին այդ տարածքներից, հրկիզել նրանց տները, քրեական օրենսգրքի համապատասխան հոդվածներով քրեական պատասխանատվության են ենթարկվել եւ գտնվում են հետախուզման մեջ»,- ասել է նա։
Բացի այն, որ Ադրբեջանի դատախազը բացահայտ ստում է՝ երկու նախկին նախագահներին վերագրելով այն, ինչ նրանք երբեք չեն ասել՝ այդ տարածքներից ադրբեջանցիների վտարում, նրանց տների հրկիզում, մնում է բացարձակ անհասկանալի, թե ինչ գծով են հետախուզվում նախկին նախագահները։ Հիշեցնենք, որ Ինտերպոլը չի ընդունում քաղաքական դրդապատճառներով հետախուզումը։
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Լրատվամիջոցների ու լրագրողների իրավունքների խախտումների թիվը նվազել է
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար