Նախիջևանիկը, Խրամորթը, Խնաբադը սահմանամերձ են դարձել, ու բնագծի ամբողջ երկայնքով ադրբեջանցիները պարբերաբար կրակում են. Ղահրամանյան
Ասկերանի շրջանի Խրամորթ գյուղի վարչական տարածքում գործող քարամշակման կետի բանվորների ուղղությամբ կրակահերթը պարբերական բնույթ է կրում։ Այդ մասին «Փաստինֆո»-ի հարցին ի պատասխան հայտնել է Ասկերանի շրջվարչակազմի ղեկավար Արմեն Ղահրամանյանը։
Նշենք, որ Արցախի դատախազությունն այսօր հաղորդագրություն տարածեց, որ 2022թ. փետրվարի 05-ին, ժամը 12:00-ի սահմաններում, Ասկերան քաղաքի մերձակայքում գտնվող «Օղտեն մաշկ» կոչվող տեղամասում տեղակայված ադրբեջանական մարտական դիրքից խոշոր տրամաչափի գնդացրով մի քանի կրակահերթ է արձակվել Ասկերանի շրջանի Խրամորթ գյուղի վարչական տարածքում գործող քարամշակման կետի բանվորների ուղղությամբ։
Դեպքի մանրամասները պարզելու համար «Փաստինֆո»-ն կապ է հաստատել Ասկերանի շրջվարչակազմի ղեկավար Արմեն Ղահրամանյանի հետ, որը հաստատեց, որ քարամշակման կետում աշխատող բանվորների ուղղությամբ կրակ բացելը հաճախակի կրկնվող երևույթ է․ադրբեջանցիները հաճախ են կրակում նաև գյուղատնտեսական տեխնիկայի ու դաշտում աշխատող գյուղացիների վրա։
«Շրջանի հյուսիսային հատվածում գտնվող գյուղերը՝ Նախիջևանիկը, Խրամորթը, Խնաբադը սահմանամերձ են դարձել, ու բնագծի ամբողջ երկայնքով պարբերաբար կրակում են, հատկապես, եթե գյուղատնտեսական աշխատանքներ են իրականացվում։ Դրա համար էլ նման աշխատանքներ կատարելիս խաղաղապահներն այստեղ են լինում»,-ասաց Ղահրամանյանը։
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Պետական արգելոցի ֆոտոթակարդները կրկին նկարահանել են կովկասյան ընձառյուծին