Թուրքիան դեռեւս չի ընդունել ամերիկյան հողում հարձակման մեղքը. The Washington Post

Վաշինգտոն Թուրքիայի նախագահ Էրդողանի այցի ժամանակ խաղաղ ցուցարարների վրա նրա թիկնապահների հարձակումից 4 ամիս անց ոչ մի բան Թուրքիայի կառավարությանը չի ստիպել ամերիկյան հողում ժողովրդավարական սկզբունքների վրա այս վրդովեցուցիչ հարձակման մեղքն ընդունել: Այս մասին նշված է The Washington Post-ի խմբագրական հոդվածում:

«Ո՛չ Պետքարտուղարության բողոքները, ո՛չ անվտանգության ծառայության աշխատակիցների նկատմամբ քրեական մեղադրանքների մեղադրական եզրակացությունները: Հնարավոր է՝ զենքի վաճառքի որոշ գործարքների արգելափակումը ավելի զգալի միջոց կլինի՝ ենթադրելու համար, որ նման դաժանության դիմաց գին կվճարվի»,- նշված է հոդվածում:

Հեղինակները հիշեցնում են, որ ավելի վաղ Սենատի կոմիտեն աջակցել է նախագահ Էրդողանի պահպանության ծառայության համար նախատեսված զենքի վաճառքի գործարքն արգելափակելու առաջարկին: Նրանք նաեւ նշում են, որ արդարադատության դեպարտամենտը չի մեկնաբանել այն հարցը՝ արդյոք պատրաստվում են արտահանձնում պահանջել եւ արդյոք Թուրքիայի կառավարությունը հրաժարվել է այս հարցում համագործակցելուց:

Ամփոփելով՝ հոդվածի հեղինակները Կոնգրեսին կոչ են անում նաեւ արգելափակել Թուրքիային զենքի վաճառքը, եւ որ «նախագահը պետք է հրաման ստորագրի»:

 NEWS.am