Գործընթացը բացահայտեց, թե ով է իրականում իշխանական դաշտից դուրս

Ազգային ժողովի ՀԱԿ խմբակցությունը դադարեցնում է խորհրդարանական առաջիկա ընտրությունների օրը փոխելու հարցը Սահմանադրական դատարանում քննարկելու համար սկսած ստորագրահավաքը:

Ազգային ժողովում խորհրդարանական ճեպազրույցների շրջանակներում լրագրողների հետ հանդիպմանը ԱԺ ՀԱԿ խմբակցության ղեկավար Լևոն Զուրաբյանը նշեց, որ անհրաժեշտ 27 ստորագրությունից հաջողվել է հավաքել ընդամենը 19-ը: «Պետք չէ ակնկալել, որ ստորագրահա վաքին նոր միացողներ կլինեն, քանի որ արդեն մի քանի օր մենք սկսել ենք այս գործընթացը, և եթե ստորագրել ցանկացողներ լինեին, մենք արդեն հավաքած կլինեինք անհրաժեշտ ստորագրությունները»,- նշեց Զուրաբյանը:

Նա հայտնեց, որ ընտրությունների օրվա հարցը ՍԴ-ում քննարկելու ձևաթղթի տակ ստորագրել են ՀԱԿ խմբակցության բոլոր 7 պատգամավորները, «Համախմբում» կուսակցությունը ներկայացնող բոլոր 5 պատգամավորները՝ Վարդան Օսկանյանը, Վահե Հովհաննիսյանը, Ստեփան Մարգարյանը, Էլինար Վարդանյանը եւ Հայկ խաչատրյանը, 3 պատգամավոր ԲՀԿ խմբակցությունից` Նաիրա Զոհրաբյանը, Վահե էնֆիաջյանը եւ Միքայել Մելքումյանը, 2-ը՝ «Ժառանգություն» խմբակցությունից՝ Զարուհի Փոստանջյանը եւ Թեւան Պողոսյանը,   երկու անկախ պատգամավորներ՝ Էդմոն Մարուքյանն ու Խաչատուր Քոքոբելյանը:

Լևոն Զուրաբյանը հավելեց, որ այս գործընթացը բացահայտում է այն անձանց իրական դեմքը, ովքեր իրենց ընդդիմադիր են համարում, սակայն այն պահին, երբ պետք է աջակցեն ընդդիմության նախաձեռնությանը, հետ են կանգնում:

Այս թեմայով Հայաստանի «քնելը» աղետալի կլինի. ՀԱԿ-ը չի բացառում արտախորհրդարանական ուժերի հետ համագործակցությունը «Համախմբանը» միայն երկու օրում 700 հոգի է անդամակցել «Համախմբումն» Ախուրյանում (Տեսանյութ) Գ. Նազարյան. «Սերժ Սարգսյանը հեռացող ղեկավար է» Պատգամավոր Հայկ Խաչատրյանը կմիանա «Համախմբում» կուսակցությանը