Թուրքիան հույս ունի, որ Ռուսաստանը կչեղարկի լոլիկի ներմուծման արգելքը
Թուրքիան հույս ունի, որ առաջիկա ամիսներին Ռուսաստանը կչեղարկի թուրքական լոլիկի ներմուծման արգելքը, հայտնել է գյուղատնտեսության փոխնախարար Մեհմեթ Դանիշը՝ Անթալիայում գյուղատնտեսական հարցերով ռուս-թուրքական խորհրդակցության ավարտից հետո։
Ռուսաստանի Գյուղնախից ավելի վաղ հայտնել էին, որ ռուս-թուրքական գործադիր կոմիտեի առաջին նիստի ժամանակ ծրագրվում էր քննարկել հարցերի ամբողջ սպեկտրը, այդ թվում լոլիկի մատակարարումները։ Նախարար Ալեքսանդր Տկաչեւի խոսքով՝ Ռուսաստանը կարող է թուրքական լոլիկի ներմուծումը թույլատրել գալիք ձմեռվանից ոչ շուտ։
«Մեր լոլիկը Ռուսաստան արտահանելու հարցում դեռ խոչընդոտ է հանդիսանում Ռուսաստանի կառավարության որոշումը։ Մենք ակնկալում ենք, որ առաջիկա ամիսներին փոփոխություններ կարվեն ու մեր լոլիկի ճանապարհը կբացվի»,- ասել է Դանիշը։
Նրա խոսքով՝ բանակցությունների ընթացքում քննարկվել են բանջարեղենի, սպիտակ ու կարմիր մսի մատակարարումները։ Կողմերը նաեւ պայմանավորվել են հնարավորինս շուտ կարգավորել բույսերի կարանտինի ոլորտում առկա խնդիրները։ «Տեխնիկական առումով մեր դիրքորոշումները մոտեցել են։ Հույս ունեմ, որ դա օգուտ կտա երկու երկրների արտադրողներին ու արտահանողներին»,- ասել է Դանիշը։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԵՔՀ 8-րդ գագաթնաժողովի բացման արարողությունը Երևանում. ուղիղ