Հայտնաբերվել են զանգվածային ոչնչացման հետքեր, որոնք ավելի վաղ հայտնի չէին
ԱՄՆ-ում Դյուքի համալսարանի հավաքածուից քարացուկների ուսումնասիրումը թույլ է տվել հայտնաբերել ավելի վաղ անհայտ զանգվածային ոչնչացման հետքեր, որը տեղի է ունեցել շուրջ 30 միլիոն տարի առաջ էոցենի եւ օլիգոցենի սահմանին, հաղորդում է «Աշխարհի շուրջ» ճանաչողական պորտալը՝ հղում անելով Sci Tech Daily-ին:
Այդ ժամանակաշրջանում անհայտ պատճառով տեղի է ունեցել կտրուկ սառեցում եւ ծովի մակարդակի անկում: Անտառները վերածվել են մարգագետինների, կրճատվել է նաեւ մթնոլորտում ածխաթթու գազի կոնցենտրացիան: Եվրոպայում եւ Ասիայում շուրջ երկու երրորդ տեսակները ոչնչացվել են:
Ավելի վաղ համարվում էր, որ էոցեն-օլիգոցենային ոչնչացումն անդրադարձել է առավելապես Ասիային ու Եվրոպային, իսկ աֆրիկյան տեսակները գրեթե չեն տուժել: Սակայն նոր հետազոտությունը ցույց է տվել, որ դա, բնավ, այդպես չէ:
Թիմը, որը կազմված է ԱՄՆ-ին, Մեծ Բրիտանիայից ու Եգիպտոսից հետազաոտողներից, ուսումնասիրել է կաթնասունների հինգ խմբի քարացուկները՝ ոչնչացված գիշատիչներ գիենոդոնթների խումբը, կրծողների երկու խումբ եւ պրիմատների երկու խումբ: Պարզվել է, որ անգամ հասարակածին մոտ գտնվելը չէր կարող պաշտպանել կենդանիներին. բոլոր հինգ խմբերը կրել են հսկայական կորուստներ էոցենի ու օլիգոցենի սահմանին:
Հետազոտողների խոսքով՝ մի քանի միլիոն տարի անց այդ խմբերը դարձյալ սկսել են հայտնվել քարացուկների հնագիտական արձանագրություններում, սակայն արդեն նոր տեսքով:
Հայկական ֆուտբոլում հասունանում է իրավական նոր սկանդալ
Ռուսաստանը օգոստոսի 20-ի գիշերը բալիստիկ հրթիռներով հարվածել է Կիևին
Իրանը քննարկում է Եվրոպայում ամերիկյան օբյեկտների հարվածներ հասցնելու հնարավորությունը. FT
Սերգեյ Բագրատյանին երեք օրով չվճարվող արձակուրդ է տրամադրվել
Դեպի ԵՄ երկրներ արտահանման ծավալն աճել է
Հրապարակվել է Կառավարության ծրագիրը՝ հիմնված «Իրական Հայաստանի» գաղափարախոսության վրա
ԱՄՆ տարածաշրջանից «պատվով դուրս գալու» ելք է փնտրում․ Իրանի խորհրդարանի խոսնակ
Սուրեն Պապիկյանն անակնկալ ստուգայցեր է իրականացնում ՊՆ զորամասերում
Եվս մեկ ստուգայց՝ հերթապահություն իրականացնող զորամասերից մեկում. Պապիկյան
Վրաերթի են ենարկվել զինծառայողներ, մեկը մահացել է