Օգոստոսին Թուրքիայում ձերբակալվել է 33 լրագրող

Ընթացիկ տարվա օգոստոս ամսվա ընթացքում Թուրքիայում ձերբակալվել է 33 լրագրող, այս մասին գրում է թուրքական «Բիրգյուն» պարբերականը:

Ձերբակալված լրագրողներից 14-ը կալանավորվել են, նրանց թվում է նաև ֆրանսիացի լրագրող Լուպ Բուրոն, ում ազատ արձակման պահանջով Ֆրանսիայի նախագահ Էմանուել Մակրոնը երկու անգամ զանգահարել է Թուրքիայի նախագահ Ռեջեփ Թայիփ Էրդողանին:

Բացի այդ, օգոստոսի 25-ին Թուրքիայի ներքին գործերի նախարարի կողմից բողոք է ներկայացվել Ստամբուլի հայկական պարբերականներից «Ակօսի» սյունակագիր Բասքըն Օրանի դեմ, որը մեղադրվում է ահաբեկչամետ քարոզչություն իրականացնելու համար:

Ամիսներ առաջ Եվրախորհրդի պատգամավորների դատին հանձնված զեկույցը, որն ընդունվել է 110 կողմ, 15 դեմ ձայների հարաբերակցությամբ, պահանջում է Թուրքիայից ազատ արձակել ահաբեկչական միջոցառումներին մասնակցելու մեղադրանքով ձերբակալված լրագրողներին, վերանայել Թուրքիայի քրեական օրենսգրքի «Թրքությունը վիրավորելու» մասին 301-րդ հոդվածը, ինչպես նաև «նախագահին վիրավորելու» մասին 229-րդ և «ժողովրդի մեջ ատելություն սերմանելու» մասին 216-րդ հոդվածները: Զեկույցը նաև կոչ է անում վերանայել համացանցի հրապարակումների վերաբերյալ մեղադրանքներն ու թուլացնել Թուրքիայի պետական հեռուստաալիքի նկատմամբ պետական վերահսկողությունը:

tert.am