Անվանի մրցավարը վնասվածքի պատճառով ավարտել է կարիերան

Սլովենացի ֆուտբոլային մրցավար Դամիր Սկոմինան ավարտել է կարիերան, հաղորդում է Brdo pri Kranju-ն։

Ծնկի վնասվածքի պատճառով 45-ամյա մրցավարը չէր կարողացել աշխատել Եվրո-2020-ում։ Նա կվիրահատվի առաջիկայում։

Դամիր Սկոմինան մրցավարական կարիերան սկսել է 1994-ին։ Միջազգային ասպարեզում նա նորամուտը նշել է 2003-ի ապրիլի 30-ին անցկացված Հունգարիա – Լյուքսեմբուրգ խաղում։ Նա սպասարկել է ՈւԵՖԱ-ի Սուպերգավաթի հանդիպումը (2012-ին), Եվրոպայի լիգայի (2017-ին) ու Չեմպիոնների լիգայի (2019-ին) եզրափակիչները, աշխատել Եվրո-2012-ի, Եվրո-2016-ի ու ԱԱ-2018-ի խաղերում։