Ռոնալդուն որոշել է հեռանալ «Յուվենտուսից»

Պորտուգալիայի հավաքականի հարձակվող Կրիշտիանու Ռոնալդուն որոշել է հեռանալ Թուրինի «Յուվենտուսից», հայտնում է Gazzetta dello Sport-ը:

36-ամյա ֆուտբոլիստն իտալական ակումբին խնդրել է այս տրանսֆերային պատուհանի ընթացքում վաճառել իրեն: Ռոնալդուի գործակալ Ժորժե Մենդեշը ժամանել է Թուրին՝ ակումբի ղեկավարության հետ բանակցությունների համար:

Ավելի վաղ լուրեր էին շրջանառվում, որ Անգլիայի չեմպիոն «Մանչեսթեր Սիթին» սկսել է աշխատանքները պորտուգալացու տրանսֆերի հարցով և նրան է առաջարկել է 2 տարվա պայմանագիր:

«Մանչեսթեր Սիթին» պատրաստ է 30 միլիոն եվրո վճարել Ռոնալդուի տրանսֆերի դիմաց և օգոստոսի 27-ին պաշտոնական առաջարկ կանի «Յուվենտուսին»:

Նախորդ մրցաշրջանում հարձակվողը թուրինցիների կազմում անցկացրել է 44 հանդիպում և խփել 36 գոլ: Նրա գործող պայմանագիրը նախատեսված է մինչև 2022-ի ամառ: