Մամեդյարովը եռակողմ հանդիպման, ԼՂ ստատուս քվոյի ու դրա վերաբերյալ նրանց ծրագրերի մասին

Բաքուն պատրաստակամություն է հայտնել մասնակցել Ռուսաստանի, Ադրբեջանի և Հայաստանի արտգործնախարարների հանդիպմանը ԼՂ հակամարտությա խաղաղ կարգավորման հարցով Մոսկվայում, սակայն հստակ ժամկետների վերաբերյալ ժամկետներ դեռ չկան: Այս մասին «ՌԻԱ Նովոստի»-ին տված հարցազրույցում ասաց Ադրբեջանի արտգործնախարար Էլմար Մամեդյարովը:
«Գաղափարը հնչեցվել է, երբ ես Մոսկվայում էի: Լավրովն առաջարկեց Ռուսաստանի, Ադրբեջանի և Հայաստանի արտգործնախարարների եռակողմ հանդիպում անցկացնել: Ես ասացի, որ պատրաստ եմ», - ասաց Մամեդյարովը:
Նրա խոսքերով, մոտավոր ժամկետները դեռ չեն քննարկվել: «Դա ժամանակացույցերի ճշտում է պահանջում: Դեռ ժամկետների վերաբերյալ հստակ առաջարկներ չենք ստացել, բայց մեր սկզբունքային համաձայնությունն առկա է», - ասաց նա:
Ադրբեջանի արտգործնախարարը նաև հայտարարեց, թե իբր ԼՂ ստատուս քվոն ոչ մեկին չի բավարարում:
«Բոլորը հասկանում են, որ գոյություն ունեցող ստատուս քվոն ոչ մեկին չի բավարարում, բացի, հնարավոր է, հայկական կողմից: Մենք, իհարկե, գոհ չենք, որ 20 տարիների ընթացքում «օկուպացված տարածքներն ազատագրվում են», ցավոք, պատերազմի ուժով»:
Ըստ նրա, պետք է քիչ-քիչ «սրբել սեղանը» խնդիրներից: Իսկ հարցին՝ թե որոնք են այդ խնդիրները, ասաց. «Գլխավոր խնդիրը հայկական զորքերի առկայությունն է Ադրբեջանի «տարածքում»: Առաջին հերթին պետք է ասել, որ զինվորները պետք է վերադառնան զորամասեր և այդ ժամանակ դա հսկայական հնարավորություններ կբացի և դա պլանի մի մասն է», - ասաց Մամեդյարովը: