Համակարգիչների տեղափոխումը եւ մակագրումը ձեռքով իրականացնելը դատարանական իշխանության դեմ ուղղված քայլ է․ Վարոսյան
Դատական համակարգի նկատմամբ ունեցած վստահություն վերականգնելու համար առաջին հերթին պետք է շտապ վերադարձնել մակագրություն իրականացնող համակարգիչները։ Այս մասին այսօր՝ օգոստոսի 19-ին, լրագրողների հետ զրույցում նշեց փաստաբան Երվանդ Վարոսյանը։
«Այդ համակարգիչների տեղափոխումը դատարաններից եւ մակագրումը ձեռքով իրականացնելը ես համարում եմ դատարանական իշխանության դեմ ուղղված քայլը։ Եթե իրոք կար անհրաժեշտությունը համակարգիչները վերցնելու, ուրեմն՝ տեղը պետք է նորերը բերեին։ Ակնհայտ է, թե ովքեր են եղել մակագրողները, ովքեր են եղել մակագրողները վերջին երեսուն տարիների ընթացքում։ Նրանք միշտ են հանդես եկել իշխանական դիրքերից՝ անկախ նրանից, թե ով է եղել իշխանության, նրանց ձեւն է այդպես։ Տեսնում ենք, թե ում են մակագրվում քաղաքական իշխանության համար հետաքրքրություն ունեցող՝ տասնամյակներ շարունակ պատվեր կատարող դատավորների, ուստի՝ ինչպե՞ս վստահել»,- ասաց նա։
Վարոսյանի կարծիքով՝ Բարձրագույն դատական խորհուրդը չի կարող վերադարձնել համակարգիչները, քանի որ առգրավելու որոշումն էլ իրենցը չէ։
«Ով հրամանը տվել է, նա էլ պետք է հրամանը տա վերադարձնելու։ Փոքր դետալ է համակարգիչը, բայց քաղաքական իշխանությունը կունենա կամք ստեղծելու անկախ դատական համակարգ, ապա մենք կունենանք, չի ունենա, ուրեմն՝ մենք էլ չենք ունենա»,- ընդգծեց Երվանդ Վարոսյանը։
Երվանդ Վարոսյանի խոսքով՝ Բարձրագույն դատական խորհդրի կոչը դատական համակարգի նկատմամբ կոռեկտ արտահայտվելու մասին ուղղված էր առավել կոնկրետ իշխանական պատգամավորներին։
«Կոչը շատ դրական եմ համարում, քանի որ այն համարում եմ ուղղված իշխանությանը եւ իշխանական պատգամավորներին։ Իհարկե, մի փոքր ուշացած էին նման կոչերը, այդ կոչերով Բարձրագույն դատական խորհուրդը դեռ երեք տարի առաջ պետք է հանդես գար, երբ իշխանությունը խոչընդոտում էին դատարանի աշխատանքների, սպառնալիքներ էին հնչեցնում դատավորների նկատմամբ եւ շրջափակում էին դատարանների դռները։ Ես հասկացել եմ, որ այդ կոչն ուղղված է այն անձնաց, որոնք իրականում խոչընդոտում են դատարանների աշխատանքները»,- հավելեց Երվանդ Վարոսյանը։
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԱՄՆ-ի գործողությունները Հորմուզի նեղուցում փակուղի են. Արաղչի
ԵՔՀ 8-րդ գագաթնաժողովի բացման արարողությունը Երևանում. ուղիղ