Թոմաս Տուխել․ «Չելսին» չորրորդն է չեմպիոնության համար պայքարում

Չեմպիոնների լիգայի գավաթակիր, Եվրոպայի սուպերգավաթակիր «Չելսիի» գերմանացի գլխավոր մարզիչ Թոմաս Տուխելը գնահատել է թիմի հնարավորություններն Անգլիայի Պրեմիեր լիգայի նոր մրցաշրջանում։

«Ես կարծում եմ, որ մենք չորրորդն ենք չեմպիոնության համար պայքարում։ Մենք ֆավորիտ չենք։ Պետք է կրճատել տարբերությունն առաջին երեք թիմերից։ Անգլիայի Պրեմիեր լիգայում պայքարը շատ սուր է։ Ամեն ինչ կախված է մեզնից։

Մենք պետք է հասնենք «Լիվերպուլին», «Մանչեսթեր Սիթիին» եւ «Մանչեսթեր Յունայթեդին»։ Դա պետք է անել աստիճանաբար, ամեն շաբաթ։ Մենք չենք ամաչում խոսել մեր խնդիրների մասին։

Շարունակում ենք պայքարը բոլոր մրցաշարերում։ Հիմա մենք չորրորդն ենք եւ պետք է շրջանցենք մրցակիցներին»,- Տուխելի խոսքը մեջբերում է Sky Sports-ը։

Անգլիայի առաջնության մեկնարկային տուրում «Չելսին» 3։0 հաշվով հաղթել է «Քրիսթալ Փելասին»։ Երկրորդ տուրում օգոստոսի 22-ին կհյուրընկալվի «Արսենալին»։