Վլադիմիր Աղաբաբյան. Օլիմպիական արծաթե մեդալը կլինի լրացուցիչ մոտիվացիա

Բասկետբոլ 3х3-ի տղամարդկանց Ռուսաստանի հավաքականի գլխավոր մարզիչ Վլադիմիր Աղաբաբյանը մեկնաբանել է պարտությունը Տոկիոյի Օլիմպիական խաղերի եզրափակիչում։

«Հավատում եմ, որ մենք կարող ենք նվաճել օլիմպիական չեմպիոնի կոչումը։ Երեք տարի հետո կլինի շարունակություն։

Այս արծաթե մեդալը կլինի լրացուցիչ մոտիվացիա։ Մեր թիմի տղաներն արդեն երիտասարդ չեն, բայց դեռ կունենանք երեք տարի մինչեւ Փարիզի Խաղերը։ Այսպիսի արդյունքը շատ լավ մոտիվացիա կլինի նրանց հետագա աշխատանքի համար»,- Վլադիմիր Աղաբաբյանի խոսքը մեջբերում է tass.ru-ն։

Այս մրցաձեւան առաջին անգամ է ընդգրկվել օլիմպիական ծրագրում։ Առաջին տիտղոսը նվաճեց Լատվիայի հավաքականը, որը եզրափակիչում Ռուսաստանի թիմին հաղթեց 21։18 հաշվով։