ԵԱՀԿ-ն կոչ է արել ազատ արձակել Ադրբեջանում ձերբակալված լրագրող Մեհման Ալիևին

Մամուլի ազատության հարցերով ԵԱՀԿ ներկայացուցիչ Հարլեմ Դեսիրը կոչ է արել անհապա ազատ արձակել ադրբեջանական «Թուրան» անկախ գործակալության ղեկավար, լրագրող Մեհման Ալիևին:

«Հիմքեր կան կարծելու, որ Մեհման Ալիևի ձերբակալությունը քաղաքական շարժառիթ ունեցող քայլ է, և ես կոչ եմ անում Ադրբեջանի իշխանություններին անհապաղ և անվերապահորեն ազատ արձակել լրագրողին և երաշխավորել նրա հիմնարար ազատությունների հետագա պաշտպանությունը», - ասել է Դեսիրը:

Նա հավելել է, որ կարիք չկա հետաքննության շրջանակներում կալանքի տակ պահել լրագրողին կամ սառեցնել Ադրբեջանի «Թուրան» անկախ գործակալության ակտիվները:

Հիշեցնենք, որ լրագրողի ձերբակալությունը տեղի է ունեցել օգոստոսի 24-ին: Նրան կալանավորել են հարկերից խուսափելու և պաշտոնական լիազորությունների չարաշահման մեղադրանքով:

Ավելի վաղ լրագրողների պաշտպանության միջազգային կոմիտեն «Թուրանն» Ադրբեջանում միակ անկախ տեղեկատվական գործակալությունն է անվանել և կոչ արել դադարեցնել դրա աշխատակիցների նկատմամբ հարձակումները:

tert.am