Նիկոլ Փաշինյանի դեմ կան կոմպրոմատներ, որոնք չեն օգտագործվում.Արթուր Համբարձումյան

Այն, ինչ հիմա կատարվում է Երասխում, նույնը տեսնելու ենք նաև Տավուշում, որովհետև Տավուշում էլ կա 5 բնակավայր, որոնց վերաբերյալ Նիկոլ Փաշինյանն ունի որոշակի պայմանավորվածություններ: Այս մասին «Փաստինֆո»-ի եթերում հայտարարել է կառավարման մասնագետ Արթուր Համբարձումյանը:

Ըստ նրա, Նիկոլ Փաշինյանը խախտում է Ալիևի հետ ձեռք բերված պայմանավորվածությունները, ինչի պատճառով էլ Ադրբեջանը սահմանային լարվածություն է հրահրում.

«Նիկոլ Փաշինյանն ուխտադրժություն է արել, հիմա էլ Ալիևը մուռ է հանում հայ ազգից, մեր պետությունից և արժանապատվությունից»,-ասաց Արթուր Համբարձումյանը:

«Նիկոլ Փաշինյանի դեմ կան կոմպրոմատներ, բայց դրանք չեն օգտագործվում, սա նշանակում է, որ կան ուժեր, որոնք լրջագույն լծակներ ունեն նրա վրա: ԱԱԾ մարդկանց մոտ կա ծառայողական էթիկետ, որոնք նրանք շատ դժվարությամբ են խախտում:Այս տիրույթում կա ևս մեկ մարդ՝ Միքայել Մինասյանը, որը չի եղել ԱԱԾ աշխատակից և հատուկ հետախուզության աշխատողներին բնորոշ հանգամանքներով կաշկանդված չէ»,-ասաց Արթուր Համբարձումյանը և նշեց, որ Միքայել Մինասյանը պետք է հրապարակի բոլոր փաստերը, որոնք վերաբերում են անձամբ Նիկոլ Փաշինյանին:

Նրա խոսքով՝ ընտրություններն աննախադեպ կեղծված են եղել.

«Ողջ ազգերի պատմության մեջ այսպիսի խայտառակ ընտրություններ չեն եղել, ընտրությունները, խայտառակություն էին, իսկ ընտրության արդյունքները՝ ավելի մեծ խայտառակություն»,-ասաց Արթուր Համբարձումյանը:

Մանրամասները՝ տեսանյութում