Շատ բան է ասում, թող իր գործին նայի. Թուրքիայի վարչապետը՝ Գերմանիայի արտգործնախարարին
Թուրքիայում շարունակում են հեռակա բանավիճել Գերմանիայի արտգործնախարար Զիգմար Գաբրիելի հետ:
Զիգմար Գաբրիելի հայտարարությունից հետո, թե Թուրքիան չի կարող դառնալ Եվրամիության անդամ, քանի դեռ երկրի իշխանությունը Ռեջեփ Թայիփ Էրդողանի ձեռքում է, նախարարին իրենց դժգոհությունն են հայտնել Թուրքիայի վարչապետն ու ԱԳ նախարարը:
Ինչպես գրում է թուրքական haberler.com կայքը, վարչապետ Բինալի Յըլդըրըմը բավականին կոշտ է արձագանքել Զիգմար Գաբրիելի խոսքերին։ «Շատ բան է ասում, ղալլաթ է արել, թող իր գործին նայի»,- ասել է Յըլդըրըմը:
Թուրքիայի վարչապետը խորհուրդ է տվել Գերմանիայի ԱԳՆ-ին զբաղվել իրենց ներքին գործերով ու դաս չտալ Թուրքիային:
Իր հերթին, Թուրքիայի արտգործնախարար Մևլութ Չավուշօղլուն հայտարարել է, որ Գերմանիան անցել է բոլոր հնարավոր սահմաններն ու նշել, որ իրենք չեն ցանկանում փչացնել հարաբերությունները Բեռլինի հետ։ Ըստ նրա՝ մեղավորը գերմանական կողմն է:
Հիշեցնենք, որ ավելի վաղ Գերմանիայի ԱԳՆ ղեկավար Զիգմար Գաբրիելն իր հայտարարություններից մեկում Էրդողանին առաջարկել է հանդես գալ ԵՄ-ին անդամակցության շուրջ բանակցությունները դադարեցնելու նախաձեռնությամբ, քանի որ ստեղծված իրավիճակում քիչ հավանական է, որ դրանք դրական արդյունքի կհանգեցնեն:
Նրա խոսքով՝ Թուրքիան մեծ է և գոյություն կունենա նաև Էրդողանից հետո: «Մենք խնդիր չունենք Թուրքիայի հետ, թուրքերի հետ, մենք խնդիրներ ունենք ներկայիս կառավարության հետ», - ասել է գերմանացի գործիչը:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Էնցո Ֆերնանդեսը ցանկանում է հեռանալ Չելսիից
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Ամբերդ ամրոց և Քարի լիճ տանող ավտոճանապարհները փակ են