Այսօր տեսա ԿԳԲ-ի գնդապետի. ասեց՝ «Դրան սատկացնել է պետք, այլ ելք չկա». Պարույր Հայրիկյան (տեսանյութ)
ԱԻՄ առաջնորդ Պարույր Հայրիկյանի համար Սահմանադրական դատարանի որոշումը՝ արտահերթ ընտրությունների արդյունքներն անփոփոխ թողնելու վերաբերյալ, անակնկալ չէր։
Հայրիկյանը պնդում է՝ Սահմանադրական դատարանով երբեք էլ ընտրությունների արդյունքներ չեն փոփոխվել, ուստի Սահմանադրական դատարանը հերթական անգամ դարձավ քաղաքական չմշակույթի հովանավորներից մեկը։
168 TV-ի «Ռեվյու» հաղորդաշարի եթերում նման տեսակետ հայտնեց ԱԻՄ առաջնորդը՝ հավելելով.
«Սահմանադրական դատարանը գործադիր իշխանության կցորդ դարձնելը սկսվել է առաջին Սահմանադրության հեղինակներից, և այդ քաղաքական չմշակույթը դարձել է մեր կյանքի անբաժան մասը։
Իսկ ինչ վերաբերում է «ժողովրդի իշխանություն» ասվածին և Փաշինյանի այն հայտարարություններին, թե «Մենք ենք տերը մեր երկրի», ապա պետք է ասեմ, որ նրան տրվել է հենց այդպիսի Սահմանադրության նախագիծ, որը չի ընդունել։
ԱԻՄ-ը նրան տվել է այս Սահմանադրության այլընտրանքը։ Փաշինյանը, որը այն ժամանակ ասում էր, թե գործող Սահմանադրությունը կարված է Սերժ Սարգսյանի հագով, չի ընդունել այդ նախագիծը»,- ասաց Պարույր Հայրիկյանը։
Ըստ ԱԻՄ առաջնորդի՝ Փաշինյանը փոփոխության ենթակա չի համարել այն Սահմանադրությունը, որը ժամանակին ինքը քննադատել է։
Հայրիկյանը նշեց, որ Փաշինյանին ուղարկած ժողովրդավարություն ապահովող Սահմանադրության նախագիծը երկրորդ և երրորդ անգամ է ուղարկել Կառավարության ղեկավարին, որից հետո Փաշինյանը հայտարարել է, որ պետք է ստեղծել Սահմանադրական փոփոխությունների հանձնաժողով, որի կազմում, սակայն, առաջարկը ներկայացրած հասարակական կազմակերպություններին հանձնաժողովի կազմում ընդգրկել հրաժարվել են։
«Հայտարարեցին, որ Սահմանադրական հանձնաժողովը ձևավորում են քաղաքական նպատակով։ Երբ ասում են՝ քաղաքական նպատակով ենք հանձնաժողով ձևավորել, դա նշանակում է, որ դրանում ներառված են այն մարդիկ, որոնք կկատարեն իրենց կամքը։ Հանձնաժողովը ձևավորելուց հետո, սակայն, Նիկոլ Փաշինյան քաղաքական իմպոտենտը՝ անկարողը, դրեց պայման, որ մինչև 2020 թվականի հունիսը Սահմանադրության հայեցակարգը պետք է ներկայացվի, սակայն ավելի ուշ Կառավարության որոշմամբ փոխեց ժամկետները՝ հետաձգեց»,- ասաց Հայրիկյանը, ապա հայտնեց, որ հաշվի առնելով այն հանգամանքը, որ Սահմանադրական բարեփոխումների հանձնաժողովը պարզապես մատնված է անգործության, ինչը հասկանալով էլ Փաշինյանը ժամկետների փոփոխություն է կատարել, ԱԻՄ-ը և ևս 9 կուսակցություն Սահմանադրության նոր նախագիծ են ներկայացրել Փաշինյանին:
«Մեր ներկայացրած Սահմանադրության նախագիծն այնքան դրական էր, որ ժամանակին Գագիկ Հարությունյանի պես մարդը վախեցավ այն դնել քննարկման։ Այդ նախագծով առաջարկվում է իշխանության երեք ճյուղերի տարանջատման հստակ մեխանիզմներ, ինչը չկա գործող Սահմանադրության մեջ։ Հաջորդ կետով առաջարկում ենք ընտրություններն անցկացնել ավելի հաճախ. որևէ ընտրված մարդ իր կախվածությունն ընտրողից զգում է այն ժամանակ, երբ ընտրությունները հաճախակի են տեղի ունենում. Օրինակ՝ ԱՄՆ-ի պես երկու տարով, և ոչ թե մեզ պես՝ հինգ տարով։ Մյուս կետով առաջարկում ենք, որ ընտրությանը մասնակցած քաղաքացու քվեն չկորի. որովհետև շեմը գոյություն չի ունենա ընտրությունների ժամանակ, և այն կուսակցությունը, որը չի հասել խորհրդարան, լիազորագրով իր ստացած բոլոր ձայները կարող է փոխանցել այս կամ այն թեկնածուին»,- ասաց Հայրիկյանը։
ԱԻՄ առաջնորդը վստահեցրեց՝ Սահմանադրական փոփոխություններին այլընտրանք չկա, և դրա ապացույցն է երկրում օր օրի խորացող ճգնաժամը գրեթե բոլոր ոլորտներում, ուստի Նիկոլ Փաշինյանը, եթե մտածում է իր մասին, պետք է գնա Սահմանադրական իրական փոփոխությունների, որովհետև նա հո Հիտլերի ու Ստալինի չափ ժողովրդավարություն չունի՞։
«Այսօր տեսել եմ մի շատ հայտնի քաղաքական գործչի կնոջ, առաջին բառը սա եղավ՝ «Դրան սատկացնել է պետք»։ Սարսափեցի։ Այսօր տեսա նաև ԿԳԲ-ի գնդապետի. մանրամասները չասեմ, որ մարդիկ չկռահեն, թե ում մասին է խոսքը։ Առաջին բառը՝ «Պարույր, մտածում եմ, որ այլ ելք չկա, դրան սատկացնել է պետք»։ Ես ասում եմ, որ դա ճանապարհ չի, բայց ինքը հո՞ պետք է հասկանա, որ ամեն ինչ դրան է գնում, ու պետք է գնա ժողովրդին ընդառաջ՝ ժողովրդավարություն ապահովող Սահմանադրության ընդունմամբ»,- ասաց Հայրիկյանը։
Հարցազրույցի մանրամասները՝ տեսանյութում
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...