«Ռեալը» սկսեց խոշոր հաշվով հաղթանակով

Մեկնարկեց ֆուտբոլի Իսպանիայի առաջնությունը: Չեմպիոն Մադրիդի «Ռեալը» մեկնարկեց խոշոր հաշվով հաղթանակով: Արքայական ակումբը 3:0 հաշվով մրցակցի դաշտում հաղթեց «Դեպորտիվոյին»:

Մադրիդցիներից գոլերը խփեցին Բեյլը, Կազիմիրոն եւ Կրոսը: ի դեպ, երրորդ մրցաշրջանն անընդմեջ «Ռեալի» առաջին գոլը խփում է Գարեթ Բեյլը:

Այս խաղում երկու դեղին քարտ ստացավ եւ դաշտից հեռացվեց Սերխիո Ռամոսը:

Մադրիդի «Ատլետիկոն» մրցակցի դաշտում չկարողացավ հաղթել նորեկ «Ժիրոնային»: Արձանագրվեց 2:2 հաշիվը: Ավելին, մադրիդցիները պարտությւոնից խուսափեցին միայն խաղավարտից հինգ րոպե առաջ:

«Սելտան» սեփական դաշտում 3:2 հաշվով պարտվեց «Ռեալ Սոսիեդադին», իսկ «Սեվիլիան» չկարողացավ հաղթել «Էսպանյոլին» (1:1):

«Լեգանես»-«Ալավես» հանդիպումն ավարտվեց 1:0 հաշվով եւ նույն հաշիվը գրանցվեց «Վալենսիա»-«Լաս Պալմաս» խաղում:

Բասկերի թիմը՝ «Ատլետիկը» 0:0 խաղաց «Խետաֆեի» հետ, «Բարսելոնան» 2:0 հաշվով հաղթեց «Բետիսին»:

Top-News.am

Այս թեմայով Անչելոտի․ Աննախադեպ բան տեղի ունեցավ Մրցավարը «Ռեալից» գողացավ հաղթանակը «Ռեալը» հաղթահարում է վնասվածքների դժվար փուլը Ռոնալդուի ընկերուհին նոր լուսանկար է հրապարակել Ջորջինա Ռոդրիգեսը նոր լուսանկար է հրապարակել Ռոնալդուի ու երեխաների հետ լողավազանից