Թուրքիայի ընդդիմության առաջնորդի որդին մեկնելու է պարտադիր զինվորական ծառայության

Թուրքիայի գլխավոր ընդդիմադիր «Ժողովրդահանրապետական կուսակցության» (ԺՀԿ-CHP) առաջնորդ Քեմալ Քըլըչդարօղլուի որդին՝ Քերեմ Քըլըչդարօղլուն պատրաստվում է մեկնել պարտադիր զինվորական ծառայության:
Ըստ թուրքական «T24.com.tr» լրատվական կայքի՝ Քըլըչդարօղլուի որդին գերադասել է պարտադիր զինծառայությունը, թեև եղել է հնարավորություն գումար վճարելու դիմաց կամ ազատվել զինծառայությունից, կամ ավելի կարճ ժամանակով զորակոչվել բանակ:
Աղբյուրը հաղորդում է, որ արդեն հայտնի է դարձել, թե Թուրքիայի որ նահանգում է ծառայության անցնելու Քերեմ Քըլըչդարօղլուն:
Նշենք, որ 34-ամյա կրտսեր Քըլըչդարօղլուն դասավանդում է Թուրքիայի համալսարաններից մեկում:
Նշենք, որ Թուրքիայում պարտադիր ծառայության ժամկետը 12 ամիս է: Բայց սահմանված վճարի դեպքում ծառայության ավելի կարճ ժամկետ է կիրառվում:
Աղբյուր` Ermenihaber.am