Թուրքիայի նախկին նախագահ Գյուլը հրաժարվել է Էրդողանի գլխավորած կուսակցության 16-ամյակի միջոցառմանը մասնակցելուց

Թուրքիայի 11-րդ նախագահ Աբդուլլահ Գյուլը հրաժարվել է ներկայիս նախագահ Ռեջեփ Թայիփ Էրդողանի «Արդարություն և զարգացում» կուսակցության հիմնադրման 16-ամյակին նվիրված միջոցառմանը մասնակցելուց, գրում է թուրքական demokrathaber.org կայքը:

Նշենք, որ միջոցառմանը հրավիրված է եղել 6.000 մարդ:

Աբդուլլահ Գյուլը նախապես զգուշացրել է, որ միջոցառմանը մասնակցել չի պատրաստվում, ինչը գրավել է թուրքական մամուլի ուշադրությունը, որը վաղուց է քննարկում Էրդողանի և Գյուլի միջև եղած «խորը անդունդը»:

Օրինակ՝ ամիսներ առաջ մամուլը նկատեց, որ Թուրքիայի նախկին նախագահ Գյուլն ու նախկին վարչապետ Ահմեթ Դավութօղլուն սկսել են ավելի հաճախակի հանդիպել։ Ըստ լրատվամիջոցների` նրանց մտերմանալու պատճառը Ռեջեփ Թայիփ Էրդողանի լիազորությունների ընդլայնմանը դեմ լինելն է: