Ռուհանիի կառավարությունը եկել է վստահության քվեի ետեւից

Իրանի խորհրդարանում սկսվել է նախագահ Հասան Ռուհանիի առաջարկած նախարարի թեկնածուների հաստատման նիստը: 

Իրանի կառավարությունը բաղկացած է 17 նախարարությունից:

Նախագահ Ռուհանին ներկայացրել է կառավարության գործունեության ծրագիրը, որից հետո հինգ պատգամավոր խոսելու է կողմ, իսկ հինգ պատգամավոր՝ դեմ:

Նիստը կարող է շարունակվել մինչեւ կիրակի:

Նախարարներից յուրաքանչյուրը պետք է ելույթ ունենա եւ ներկայացնի իր ծրագիրը, որից հետո կրկին հինգական պատգամավոր խոսելու են կողմ եւ դեմ: Միայն այս գործընթացից հետո տեղի կունենա քվեարկությունը:

Տեղեկացնենք, որ Հասան Ռուհանին հետախուզության նախարարի պաշտոնում ներկայացրել է Սեյեդ Մահմուդ Ալավիին, ՆԳ նախարարի՝ Աբդոլռեզա Ռահմանի Ֆազլին, ԱԳ նախարարի՝ Մոհամադ Ջավադ Զարիֆին, պաշտպանության նախարարի՝ Ամիր Խաթամիին:

Այս թեմայով Իրանը պնդում է, որ հրթիռների պակաս չունի Իրանը իր կարողությունների միայն մի փոքր մասն է օգտագործել՝ ի պատասխան Իսրայելի հարձակումների․ Արաղչի Կատարը Իրանի էներգետիկ օբյեկտների վրա հարվածները որակել է «վտանգավոր և անպատասխանատու» Արաղչի. Իրանը կպատերազմի մինչև Թրամփը հասկանա, որ պատերազմ սկսելը սխալ էր Իրանի Կարմիր մահիկի ընկերությունը հայտնել է երկրում ավելի քան 54 հազար բնակարանի ոչնչացման մասին