Բրիտանիան, Ֆրանսիան եւ Գերմանիան մտահոգված են Իրանի՝ ուրանի մինչեւ 60 տոկոս հարստացման մասին որոշման կապակցությամբ

Բրիտանիան, Ֆրանսիան եւ Գերմանիան մտահոգություն են հայտնել ուրանի 60 տոկոս հարստացման ուղղությամբ Իրանի վերջին քայլերի կապակցությամբ:

«Ֆրանսիայի, Գերմանիայի եւ Մեծ Բրիտանիայի կառավարությունները (E3) խիստ մտահոգությամբ նշում են Իրանի հայտարարությունն այն մասին, որ նա կսկսի ուրանի հարստացումը մինչեւ 60 տոկոս՝ օ առաջադեմ ցենտրիֆուգների կիրառմամբ, ինչպես Իրանն ապրիլի 13-ին հայտնել էր ՄԱԳԱՏԷ-ին»,- ասվում է երեք երկրների համատեղ հայտարարության մեջ:

«Սա լուրջ իրադարձություն է, քանի որ բարձր հարստացված ուրանի արտադրությունը կարեւոր քայլ է միջուկային զենքի արտադրության մեջ: Իրանն այս մակարդակով հարստացման իրական քաղաքացիական կարիք չունի»,- կարծում են նրանք:

«Մենք նաեւ մեր մտահոգությունն ենք հայտնում այն ​​լուրերի կապակցությամբ, որ Իրանը նախատեսում է 1000 լրացուցիչ ցենտրիֆուգներ տեղադրել Նաթանզում, ինչը էապես կբարձրացնի Իրանի՝ ուրանի հարստացման կարողությունները:

Իրանի հայտարարությունները հատկապես ցավալի են՝ հաշվի առնելով, որ դրանք արվել են այն ժամանակ, երբ ԳՀՀԾ-ի բոլոր անդամները եւ Միացյալ Նահանգներն առարկայական քննարկումներ են սկսել՝ ԳՀՀԾ-ի վերակենդանացման եւ վերականգնման նպատակով արագ դիվանագիտական ​​լուծում գտնելու համար: Իրանի վտանգավոր հաղորդումը հակասում է այս քննարկումների կառուցողական ոգուն եւ բարեխղճությանը:

Վերջին իրադարձությունների լույսի ներքո մենք մերժում ենք ցանկացած դերակատարի ձեռնարկած սրման բոլոր միջոցները եւ կոչ ենք անում Իրանին չբարդացնել դիվանագիտական ​​գործընթացը»: