ԱՄՆ դեսպանատուն. Վրաստանը հետ քայլ արեց ժողովրդավարությունից` ձերբակալելով Սաակաշվիլիի կուսակցության առաջնորդին
Վրաստանը հետ քայլ արեց Եվրատլանտյան ընտանիքին պատկանող պետությունների ժողովրդավարական ուղու վրա` ձերբակալելով նախկին նախագահ Միխեիլ Սաակաշվիլիի հիմնադրած ընդդիմադիր «Միացյալ ազգային շարժում» կուսակցության ղեկավար Նիկա Մելիային: Այս մասին ասվում է երեքշաբթի օրը Վրաստանում ԱՄՆ դեսպանության տարածած հայտարարության մեջ:
«ԱՄՆ դեսպանատունը խիստ անհանգստացած է այսօր առավոտյան կառավարութան` գլխավոր ընդդիմադիր կուսակցության առաջնորդի ձերբակալման որոշման կապակցությամբ: Մենք ցավում ենք, որ զսպվածության եւ երկխոսության կոչերն ԱՄՆ-ի եւ այլ միջազգային գործընկերների կողմից անտեսվեցին: Մենք մտահոգված ենք իշխանությունների` պառակտում առաջացնող հռետորաբանության կապակցությամբ: Վրաստանը հետ քայլ արեց եվրատլանտյան ընտանիքին անդամակցող երկրների ժողովրդավարական ուղու վրա»,- ասված է հայտարարության մեջ:
Վրաստանի ՆԳՆ աշխատակիցները Մելիային ձերբակալեցին երեքշաբթի առավոտյան: Նա փետրվարի 16-ից գտնվում էր Թբիլիսիում` կուսակցության գրասենյակում: Օպերացիան իրականացվեց Թբիլիսիի քաղաքային դատարանի որոշմամբ, որը փետրվարի 17-ին որոշում էր կայացրել կալանքի տակ վերադարձնել քաղաքական գործչին` 2019-ի հունիսին կայացած հանրահավաքին անկարգությունների գործով 40 հազար լարի (ավելի քան 12 հազար դոլար) գրավը չվճարելու համար: Ընդդիմությունը կատարվածը քաղաքական հետապնդում, բռնապետության հաստատում է անվանել եւ կոչ է արել աջակիցներին ցույցերի դուրս գալ:
Մելիային ձերբակալելու դատարանի որոշումը քաղաքական ճգնաժամ է առաջացրել երկրում. փետրվարի 18-ին գործընկերների հետ տարաձայնությունների պատճառով հրաժարական տվեց Վրաստանի վարչապետ Գիորգի Գախարիան: Այդ օրը ոստիկանությունն առաջին անգամ եկավ Մելիային ձերբակալելու, ով փետրվարի 16-ից գտնվում էր կուսակցության գրասենյակում, սակայն «Միացյալ ազգային շարժման» կողմնակիցները նրանց շենք չէին չթողեցին:
2020 թվականի դեկտեմբերին «Միացյալ ազգային շարժումը» գլխավորած Մելիայի դեմ քրեական գործը հարուցվել էր 2019-ի հունիսին: Նա մեղադրվում է 2019-ի հունիսի 20-ին եւ 21-ին տեղի ունեցած անկարգությունների կազմակերպման եւ մասնակցության մեջ, որոնք ավարտվեցին խորհրդարանի շենք ներխուժման փորձով: 2019-ի հունիսին դատարանը նրան ազատ արձակեց գրավի դիմաց եւ հրամայեց էլեկտրոնային ապարանջան կրել, սակայն 2020-ի նոյեմբերին խորհրդարանական ընտրությունների արդյունքների դեմ ցույցի ժամանակ նա դեմոնստրատիվ կերպով հանեց եւ դեն նետեց ապարանջանը: Դրանից հետո դատախազությունը գրավի չափը մեծացնելու միջնորդությամբ դիմեց դատարան, որը Մելիան հրաժարվեց վճարել` պնդելով քաղաքական հետապնդման մասին: Եթե քաղաքական գործիչը մեղավոր ճանաչվի, նրան մինչեւ վեց տարվա ազատազրկում է սպառնում:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...